ترکیه کې موټربم او وسله وال برید مرګ ژوبله اړولې

Attack in Izmir, 5 Jan د انځور حقوق AFP
Image caption لا معلومه نه ده چې د برید تر شا څوک دي

د ترکیې دولتي رسنۍ وايي ازمیر ښار کې پر یوې محکمې یوه موټربم او وسلوال برید کې دوه بریدګر، یو پولیس او یو ملکي کس وژل شوي.

لږ تر لږه د لسو کسانو د ټپي کېدو راپور هم ورکړل شوی دی.

په عکسونو کې ښکاري چې دوو موټرونو اور اخیستی او یو مړی لیدل کېږي چې ترڅنګ یې وسله پرته ده.

رپوټونه وايي د دریم بریدګر لټون دوام لري.

'د روسي سفیر وژنه د ناوړه پېښو لړۍ وروستۍ کړۍ ده'

'اسلامي دولت' ډلې د استانبول پر شپې کلب د برید پړه منلې

'اردوغان ته چای نه ور کوم' خبرې هوټلي بندي کړ

سره له دې چې معلومه نه ده د برید ترشا د چا لاس دی خو ترکي چارواکي کوردي یاغیانو ته ګوته نیسي.

د ازمیر والي یرول اېیلدېز وايي، یو موټر د ازمیر د محکمې د ودانۍ پر وړاندې ودرېد، پر پولیسو یې ډزې وکړې او تر هغه وروسته موټر وچاوېد.

د چارواکو په وینا بریدګرو سره کلاشینکوفونه او لاسي بمونه ول.

د انځور حقوق Reuters
Image caption په ننۍ پېښه کې د لسو کسانو د ټپي کېدو خبر ورکړل شوی

تېره اوونۍ استانبول کې د شپې پر کلب د برید په تړاو ازمیر کې یو شمېر کسان نیول شوي، خو نه دي ویل شوي چې پر محکمې برید دې له هغو سره تړاو ولري.

د لومړي وزیر مرستیال ویسي کېنک ویلي دوی د وسله وال بریدګر د نیولو هڅو کې پرمختګ کړی او وايي کېدی شي په قوم یوغور وي.

اسلامي دولت ډلې د استانبول پر "شپه کلب" د برید پړه ومنله او په یوه اعلامیه کې يې جزییات ورکړي ول.

د تېرکال اګست میاشت کې ترکیې د اسلامي دولت نومې ډلې او کوردي ځواکونو پر ضد سوریه کې پوځي عملیات پیل کړل.

ترکیه کې موټربم برید ۱۱ پولیس وژلي

سوریه کې د دولت او مخالفینو ترمنځ سراسري اوربند پیل شوی

تر هغه وروسته د ترکیې یو شمېر لوی ښارونه د داعش او کوردي وسله والو له خوا تر بریدونو لاندې راغلي دي.

په دې وسیله کې د غږ اوريدل او ویډیو لیدنه شونې نه ده.
د نوي کال پر شپه ترکیه کې خونړی برید

اړونده مطالب