د ترکيې له پولې سره نژدې چاودنه کې لږ ترلږه ۴۳ تنه وژل شوي

په دې وسیله کې د غږ اوريدل او ویډیو لیدنه شونې نه ده.
چاودنه په اعزاز ښار کې شوې ده

د راپورونو له مخې د سوريې د اعزاز ښار په يوه چاودنه کې لږ ترلږه ۴۳ تنه وژل شوي او لسګونه نور نور ټپيان دي.

د اعزاز ښار چې د سوريې په شمال کې د ترکيې له پولې سره نژدې پروت دی د حکومت مخالفو وسله والو تر ولکې لاندې دی.

ویل کېږی چاودنه د دغه ښار د ګڼې ګوڼې په يوه بازار کې شوې او ډېری وژل شوي کسان هم ولسي وګړي دي.

ترکيه کې د روسيې سفير د ډزو له امله ووژل شو

ملګري ملتونه: په سوريه کې نژدې يو ميليون کسان کلابند دي

په بريتانيا کې د سوريې لپاره د بشري حقونو د څار ډله په دغه چاودنه کې د وژل شويو شمېر ۱۵ تنه ښيي خو ځينې نورې خبري رسنۍ بيا د وژل شويو شمېر زيات ښيي او وايي کېدای شي تر ۶۰ تنو په دغه پېښه کې خپل ژوند له لاسه ورکړی وي.

د اعزاز ښار د څو مياشتو لپاره د "اسلامي دولت" نومې ډلې (داعش) ترې ولکې لاندې و خو وروسته د حکومت مخالفو وسله والو ډلو لاس ته ورغی.

د انځور حقوق Getty Images
Image caption د اعزاز ښار د سوريې په شمال کې د ترکيې له پولې سره نژدې پروت دی

تراوسه نه ده معلومه چې دغه بريد چا کړی او نه يې هم چا پړه منلې ده.

څو اوونۍ وړاندې له حلب ښاره يو زيات شمېر کډوال دلته مېشت شوي وو.

اړونده مطالب

ورته مطالب