د نړۍ تر ټولو د لوړې غرڅوکې ماونټ ایورسټ بیا کچلو پرېکړه

د انځور حقوق Reuters
Image caption یو شمېر ساینسپوهان فکر کوي، ښايي د ماونټ اېورسټ څوکې لوړوالي کې بدلون راغلی وي

سروې اف انډیا اعلان کړی، نېپال کې به د دوه کاله مخکې زلزلې له کبله د ماونټ اېورسټ څوکې لوړوالي کې د کوم ممکن بدلون معلومولو لپاره یو ځل بیا د دغې څوکې لوړوالي معلومولو چاره تر سره کړي.

د سروې مشر جنرال سورنا سوابا راو په خبره د دغې چارې لپاره راتلونکو دوو میاشتو کې د کارپوهانو یوه ډله د چین او نېپال پر پوله دغې پرتې څوکې ته واستوي.

هند: د نړۍ تر ټولو لوړې څوکې ته د مېړه، ښځې ختلو ادعا

"احساس مې وکړ که بېرته ستون نه شم نو ښايي ومرم"

نیپال بیا زورورې زلزلې لسګونه کسان وژلي

نيپال کې دوه کاله مخکې د ریکټر په کچه اووه اعشاریه اته درجې زلزله وشوه. اوس ځینې ماهرین فکر کوي، د دغې زلزلې له کبله د اېورسټ څوکې لوړوالی لږ شوی، خو یو شمېر نور بیا ګومان کوي دغه لوړوالی ډېر شوی دی.

د انځور حقوق AFP

له دې مخکې د چین حکومت یوه رپوټ کې ویل شوي وو، چې د زلزلې له کبله غر د سویل لوېدیځ لور ته لږ تر لږه درې سانتي متره ښوېدلی دی.

د دغې غرڅوکې لوړوالی ۸۸۴۸ متره بلل کېږي او دغه کچه ۶۲ کاله مخکې د انډین سروې ماهرینو له قوله ویل شوې وه.

د سروې مشر په خبره دا ځل د غر څوکې کچلو چاره کې باید ځمکنۍ سروې وشي او دغه راز له جي پي ایس نه کار واخیستل شي، چې د څوکې لوړوالي معلومولو کې د راغلي ممکن بدلون کره کچه معلومه شي.

د انځور حقوق AFP