کویت د واکمنې کورنۍ د غړي په ګډون ۷ کسان اعدام کړي

د انځور حقوق AFP
Image caption دا کسان د قصدي وژنو او تښتونو په تور نیول شوي او اعدام شوي

د کویت چارواکو د چارشنبې په ورځ ۷ کسان اعدام کړي چې یو پکې د واکمنې کورنۍ غړی هم دی. دا کسان د قصدي قتل په جرم اعدام شوي.

تورن کسان، چې ۳ یې ښځې وې، د ۴۰ کسانو د وژلو په تور نیول شوي او اعدام شول.

دا له ۲۰۱۳ کال راهیسې په کویت کې د اعدام لومړۍ پېښه ده.

د کویت "کونا" په نامه خبري اژانس ویلي، په اعدام شویو کې یو د بنګله دېش وګړی، یوه فلپینۍ ښځه، یو د ایتیوپیا، دوه د کویت او دوه د مصر دي.

تر اعدام مخکې د سګریټ څکولو غوښتنه

بحرین درې شیعه ګان د پولیسو د قتل په جرم اعدام کړل

د یاد بنسټ په وینا، په اعدام شویو کې د واکمنې کورنۍ یو غړی فیصل عبدالله الجابر الصباح هم دی، چې په قصدي وژنې تورن او د ناقانونه وسلو او د وسلو د زېرمو لرلو په تور نیول شوی و.

خو دویمه کویتۍ ښځه، چې نصره العنزي نومېده، هم د قصدي قتل په تور اعدام شوې. د هغې د اعدام په اړه په ۲۰۱۰ کال کې حکم شوی و.

پر نوموړې تور دی چې د خپل مېړه د دویم واده پرمهال اور ورته کړی چې د یوې ښځې او یوه ماشوم په ګډون تر ۴۰ ډېر کسان پکې ووژل شول.

د فلپین جاکاتیا پاوا بیا د خپل بادار د لور د قتل په تور نیول شوې وه. د هغې ورور ګاري پاوا چې د فلپین مرستیال پیلوټ هم دی، اسوشېټېډ پرېس خبري اژانس ته ویلي، خور یې د چارشنبې په ورځ تیلیفون ورته وکړ او په ژړا یې ورته وویل چې د اعدام حکم ورباندې شوی، خو ورور یې باید د دوو ماشومانو پالنه وکړي.

فلپین د ولسمشر ویاند ارنستتو ابیلا ویلي، د هغې د ژوند ژغورلو لپاره ټولې هڅې وشوې، دیپلوماتیک تماسونه ونیول شول او د زړه سوي غوښتنه هم وشوه.

امیر ته سپکاوی

بل خوا په کویت کې استیناف محکمې د چارشنبې په ورځ، د واکمنې کورنۍ د یوه غړي په حق کې د درو کلونو بند حکم کړی. پر هغه ځکه د بند حکم شوی چې امیر او د واکمنې کورنۍ ځینو نورو غړو ته یې سپکاوی کړی و.

پر کلیسا برید کونکی امریکایی په اعدام محکوم شوی

وروستیو څلورو لسیزو کې امریکا کې د اعدام ترټولو ټیټه کچه

اړونده مطالب

ورته مطالب