فرانسه کې یو بریدګر د فرانسوي سرتېري په ډزو له پښو غورځول شوی

Scene outside the Louvre in Paris after shooting incident, 3 February 2017 د انځور حقوق AP
Image caption د فرانسې د کورنیو چارو وزارت وضعیت جدي بللی دی.

پولیس وایي، د پاریس ښار لووغ سیمې ته څېرمه یوه فرانسوي سرتېري چې د لووغ موزیم ساتنه یې کوله، هغه مهال پر یوه بریدګر ډزې وکړې چې لویه چاړه یې لاس کې وه، د "الله اکبر " نارې یې وهلې او هڅه یې وکړه پر امنیتي ګزمې برید وکړي.

بریدګر چې هڅه کوله د لووغ سوداګریز مرکز ته ننوځي، خېټې ته په مرمۍ لګېدلی او ټپ یې جدي دی.

رپوټونه وايي یوازې یو فرانسوی سرتېری پر سر ټپي شوی.

د نیس بریدګر څوک و؟

-فرانسه کې پر اورګاډي ممکنه برید په منظم ډول پلان شوی و-

'اسلامي دولت' نومي ډلې د فرانسوي پادري وژلو ادعا کړې

د انځور حقوق Jiao Liyang
Image caption دغه عکس کې چې یوه چینايي سیلاني اخیستی دی، د لووغ موزیم سیلانیان یو کونج کې د خوندي پاتې کېدو لپاره سره ټول شوي.
د انځور حقوق AP
Image caption له بریده وروسته پراخ عملیات پیل شوي.

د فرانسې د کورنیو چارو وزارت وضعیت "جدي " ګڼلی دی. د پېښې پر مهال سیلانیانو ته وویل شول چې پر ځمکه پروت وکړي. لومړي وزیر برنارد سازینوو وویل، برید اصلاً "ترهګریزه " و.

پولیس وایي چې بریدګر دوه د اوږې بیکونه لېږدول خو چاودونکي مواد پکې نه دې موندل شوي.

د برید پر مهال لووغ موزیم کې نژدې ۲۵۰ سیلانیان ول چې یو یو له امنیتي پلټنو وروسته اېستل شوي.

پولیس وايي پر بریدګر پنځه ډزې شوي.

ویډیو پاریس کې بیا برید، یو بل پولیس افسر وژل شوی

فرانسه کې پر ګڼې ګوڼې د لارۍ برید ۸۴ کسان وژلي

اړونده مطالب