''ای فون په هند کې تولید پیلوي''

د انځور حقوق Reuters
Image caption ای فون تېره میاشت د پلور ډېرېدو اعلان وکړ

د هند کرناټک ایالت چارواکي وايي تکنالوژي کمپنۍ ای فون دغه ایالت کې د ګرځنده ټیلیفونونو تولید پیلوي.

د ایالتي وزیرانو په وینا ای فون به د دغه ایالت په مرکزي ښار بنګلور کې تر اپریل میاشتې د خپلو ګرځنده ټیلیفونونو لومړنی تولید پیل کړي.

ای فون د هند ګرځنده ټیلیفونونو بازار کې ایله دوه سلنه برخه لري، چې دې سره د سویلي کوریا له سامسنګ سیال شرکت نه شاته دی.

ای فون ۱۰ کلنۍ کې: ځیرک ټلېفون څنګه دومره ځیرک شو؟

اپل نن نوی ای فون بازار ته وړاندې کوي

د ای فون سيري سيستم يو ځوان له مرګه وژغوره

ای فون د دغه پلان په تړاو تر اوسه رسماً څه نه دي ویلي، خو وايي غواړي ' هند کې د پام وړ پانګونه وکړي '

بل لور ته د ایالت معلوماتي او بایو تکنالوژۍ وزیر پریانک کهرګي وايي:

'' موږ له اپل سره یوه جوړ جاړي ته رسېدلي یو، چې د اپریل تر پایه به کرناټک ایالت کې د ګرځنده ټیلیفونونو تولید پیل کوي. ''

رپوټونو کې ویل شوي دغه پلان د تایوان ویسټرون کارپ نومي کمپني جوړ کړی دی.

رپوټونه وايي، اپل د ایالت په کچه او دغه راز د فدرالي حکومت په کچه له چارواکو سره خبرې کړې او له نور پرمختګه مخکې د یو لړ امتیازاتو غوښتنه کوي.

د تولید په برخه کې دا مهال د تایوان فوکسکون نومې شرکت د اپل تر ټولو لوی شریک دی، چې په چین کې د اپل لپاره د نړۍ تر ټولو لویې کمپنۍ چارې چلوي.

اپل دا مهال هند کې په خپل نوم پلورنځي نه لري.

د انځور حقوق Reuters
Image caption .

لامل یې دا په ګوته کېږي، چې هند حکومت د بهرنیو شرکتونو مهارولو لپاره ګڼ محدودیتونه لګولي دي.

د دې لپاره چې په مستقیم ډول په هند کې خپل تولیدات وپلوري د اصولو له مخې باید اپل د خپلو تولیداتو ۳۰ سلنه پرزې له هنده تر لاسه کړي.

تېره اونۍ اپل نهو میاشتو کې لومړی ځل د خپل پلور کچې کې لوړوالی اعلان کړ.

د کمپنۍ په وینا د پلور دغه کچه د کرسمس په مناسبت د ای فون ۷ ماډل پریمانه پلور له کبله لوړه شوې.

ورته مطالب