انجلینا جولي ولې حشرې خوري؟

د انځور حقوق Getty Images

انجلینا جولي کمبودیا ته د "لومړی مې یې پلار وواژه" په نوم د فلم پرانیستلو د سفر پرمهال نه یوازې د حشرو پخولو کې، بلکې خوړلو کې هم ګډون وکړ او د حشرو له خوړلو سره یې د مینې لرلو په اړه وویل، چې ولې یې دا کار کړی؟

اټکل کېږي چې د نړۍ نفوس به تر ۲۰۵۰ کال پورې نهو میلیاردو ته ورسېږي، په دې معنا چې په نړۍ کې د خوړو تولید باید کابو دوه برابره ډېر شي. د نفوس په ډېرېدو سره د خوړو د خوندیتوب، په تېره بیا د پروتین لپاره باید د غوښې او کبانو د دودیزو خوړو پرځای نوې سرچینې وموندل شي.

د حشرو خوړل هم یوه لاره کېدای شي، طبیعي سرچینې نه ختمېږي او چاپېریال ته هم زیان نه رسېږي، انسان مړولی شي او په مناسب وخت کې د حشرو روزل اسانه او ارزانه دي.

د عکسونو البوم: پوکمون ته ورته واقعي ژوي

د عکسونو البوم: ځلېدونکي حشرات

ولې لوېدیځو هېوادونو کې حشرې نه خوړل کېږي؟

د یوه اټکل له مخې، په نړۍ کې دوه میلیارده وګړي د خپل دودیزو خوړو پرځای حشرې خوري، خو لاهم په لوېدیځو هېوادونو کې دا کار نه کېږي.

د انځور حقوق Getty Images
Image caption د اسیا په ختیځ کې د حشرو خوړل ډېر دود دي

یو لامل یې دا دی چې په دغو هېوادونو کې حشرې ککړې دي او صحي نه وي چې د بېمارۍ لېږدوونکې ګڼل کېږي. د انسان د ژوند تګلاره او د کښتونو پراخوالی د حشرو د افت ډېرېدو لامل ګڼل کېږي.

مچان او غوماشې پر کورونو هجوم وروړي او موږ چیچي، ځینې حشرات خوراکي توکو ته لاره مومي چې دا کار زموږ لپاره یو لوی سرخوږی جوړوي.

له دې کبله ورو- ورو د حشرو خوړل دودېږي.

"اقليمي بدلون او تودوخه د حشراتو ودې ته ګواښ پېښوي"

د حشرو خوړل څه ګټه لري؟

د خوړل کېدونکو حشرو د یوه شرکت بنسټګره شامي رادیا وايي، حشرې سوپر خواړه ګڼل کېدای شي:

د انځور حقوق Getty Images
Image caption ورو ورو د حشرو خوړل دودېږي او انسانان یې هم خوړولو ته سوکه سوکه مخه کوي، همدا ده چې د ګڼو هېوادونو رسټورانټونو ته حشراتو مخه کړې ده یا په ځینو خرڅلاوځیو کې حشرې موندل کېږي.
د انځور حقوق Getty Images
Image caption په لوېدیځو هې،ادونو کې ورو ورو د حشرو خوړل دودېږي (واشنګټن کې یو رسټورانټ)

"هغوی له پروتینو، معدني توکو او اسیدونو ښه ګڼل کېږي".

د دوی روزل د چاپېریال لپاره د مرغانو له روزنې غوره دي. حشرات د خوړو له پاتې شونو تغذیه کېږي.

کوم ډول حشرې خوړل کېدای شي؟

د فایو په وینا، ۱۹۰۰ ډوله حشرې خوړل کېدای شي. تر ټولو ډېرې خوړل کېدونکې حشرې په لاندې ډول دي:

د انځور حقوق Getty Images
Image caption چاکلېټ + حشره (فرانسه)

ګونګټې، مچۍ، ملخان، افتي ملخان، سپین میږیان، غوماشې او مچان.

ایا لوېدیځ هېوادونه به هم یوه ورځ حشرې وخوري؟

ورو ورو د حشرو خوړل دودېږي او انسانان یې هم خوړولو ته سوکه سوکه مخه کوي، همدا ده چې د ګڼو هېوادونو رسټورانټونو ته حشراتو مخه کړې ده یا په ځینو خرڅلاوځیو کې حشرې موندل کېږي.

تجربو ښودلې چې د حشرو د خوړونکو شمېر د وخت په تېرېدو بدلېږي او د خلکو ذوق هم ورسره تغیرېږي.

د انځور حقوق EAT GRUB
Image caption پیزا خوړو کې هم د حشرو ورګډول په دودېدو دي
د انځور حقوق Getty Images