برتانیا ته د ښځې یا مېړه رابللو لپاره د عاید قانون پر ځای پاتې شو

په دې وسیله کې د غږ اوريدل او ویډیو لیدنه شونې نه ده.
بریتانیا کې د ویزې سختو قوانینو زرګونه کسان له خپلې ښځې یا مېړه جلا ژوند ته اړ کړي

د برتانیا سترې محکمې د حکومت هغه پرېکړه منلې چې برتانوي وګړي هېواد ته د خپل مېړه یا مېرمنې د رابللو لپاره باید تر یوې ټاکل شوې کچې تنخوا ولري.

کمپاین کوونکي وايي په زرګونه کورنۍ د دغه قانون له امله یو له بله جلا پاتې دي.

دا قانون پنځه کاله مخکې رامنځ ته شوی و او ویل شوي ول چې د مېرمنې یا مېړه د رابللو لپاره باید رابلونکی په کال کې تر ۱۸۶۰۰ پونډو ډېره تنخوا ولري.

'برتانیا د کالې ځنګل کم عمره کډوال نه مني'

برتانیا سلګونو سوري کډوالو ته 'موقته' پناه ورکوي

د بخښنې سازمان- اروپايي ټولنه باید وشرمېږي

قاضي د هغو کورنیو غوښتنه رد کړه چې ویل یې دغه قانون د کورني ژوند لپاره دوی له خپلو انساني حقونو بې برخې کوي.

د انځور حقوق Getty Images
Image caption دا قانون پنځه کاله مخکې رامنځ ته شوی و او ویل شوي ول چې د مېرمنې یا مېړه د رابللو لپاره باید رابلونکی په کال کې تر ۱۸۶۰۰ پونډو ډېره تنخوا ولري.

خو دا قانون پر اروپايي وګړو نه پلی کېږي او د نورو په تېره بیا جنوبي اسیا هېوادونو ورسره لاس او ګرېوان دي.

ګڼ شمېر افغانان هم په هغو خلکو کې راځي چې دغه قانون اغېزمن کړي او برتانیا ته د خپلو کورنیو په راوستو کې پاتې راغلي.

یوه قاضي لارد کارنوات وویل، د تنخوا لرل د هغو غوښتنو برخه ده چې ښځه او مېړه وروسته د دولتي مالي مرستې غوښتنه ونه کړي او د برتانیې په ژوند کې د ګډون لپاره مالي سرچینې ولري.

غږ اونيز بحث- ډنمارک کې د کډوالو د شتمنيو په اړه قانون به څه پاېلې ولري؟

د برتانیا ویزې لپاره ضمانت- د هندوستان نیوکه

د انځور حقوق Getty Images
Image caption ګڼ شمېر افغانان هم په هغو خلکو کې راځي چې دغه قانون اغېزمن کړي او برتانیا ته د خپلو کورنیو په راوستو کې پاتې راغلي.

د عاید درلودلو شرط پر هغو خلکو هم پلی کېږي چې د برتانیا کې دایمي ویزې لري. هغه کس چې مېرمن یا مېړه برتانیا ته راغواړي او یو اولاد لري چې برتانیوي نه دی باید ۲۲۴۰۰ عاید ولري او تر هغه د ډېرو اولادونو لپاره د هر یوه پر سر ۲۴۰۰ پونډه اضافه کېږي.

د دې قانون تر پلي وړاندې برتانیا کې کارکوونکو او کډوالو ته د خپلو کورنیو راوستل اسانه ول خو دولت غواړي دغه هېواد کې اوسېدونکي پر دولت سرچینو د فشار لامل نه وي.

اړونده مطالب