جرمني کې پر کډوالو هره ورځ لس بریدونه شوي

د انځور حقوق EPA
Image caption د ګډوالو استوګنځي ته اور ور کول، چې وروسته یې اوروژونکی د مړه کولو هڅه کوي.

د جرمني د کورنیو چارو وزارت وايي، دغه هېواد کې پر کډوالو تېر کال هره ورځ نږدې لس بریدونه شوي دي.

د کورنیو چارو وزارت زیاتوي، له څلورو په دریو بریدونو کې کډوال د دوی له استوګنځیو بهر په نښه شوي دي، خو په استوګنځیو کې هم پر دوی ۱۰۰۰ بریدونه شوي دي.

د جرمني لومړۍ وزیرې انګلا مېرکل له خوا د کډوالو پر مخ د پرانستو دروازو تر سیاست راهیسې پر دوی د بریدونو او تېري پېښې هم زیاتې شوې دي.

دا مهال کډوال په جرمني کې د کډوالۍ لپاره ډېر پناغوښتنلیکونه سپاري، خو ور سره په اروپا کې د ترهګریزو بریدونو وېره هم ډېره شوې ده.

* د اروپا په سړه هوا کې افغان کډوال ماشومان له ستونزو سره مخ دي

* سږ کال له جرمني ۵۵ زره کډوال پخپله خوښه وتلي

* افغان کډوال او توندلاري

د جرمنی د بهرنیو چارو وزارت د معلوماتو له مخې

  • ۲۰۱۶ کال کې ۳۵۵۳ بریدونه د کډوالو او پنا غوښتونکو پر لنډمهالو استوګنځیو کې شوي دي.
  • ۲۵۴۵ بریدونه پر یواځې یا مجردو کډوالو شوي دي.
  • په دغو بریدونو کې د ۴۳ ماشومانو په ګډون ۵۶۰ کسان ژوبل شوي دي.
  • ۹۸۸ بریدونه د کډوالو پر استوګنځیو شوي دي( دا بریدونه د ۲۰۱۵ کال په پرتله لږ کم دي.)
  • ۲۱۷ بریدونه د کډوالۍ پر ادارو او دوی ته پر خپل خوښو یا دواطلبو کارکوونکو شوي دي.
د انځور حقوق EPA
Image caption کیڼ لاسو له حکومت غوښتی چې پر کډوالو د ښي لاسو بریدونه ته ډېر پام وکړي.

خو تېر کال جرمني ته د رسېدلو کډوالو شمېر ۲ لکه ۸۰ زره دی او دا شمېر د ۲۰۱۵ کال په پرتله له شپږ لکو ډېر کم شوی دی.

یو لامل یې دا دی چې جرمني ته د تګ اسانه لارې بندې دي. د اروپایي ټولنې او ترکیې ترمنځ له تړون وروسته د بالکان له لارې د کډوالو د تګ لار تړل شوې ده.

* کلې کې بې سرپرسته کډوال ماشومان

* فرانسه کې د افغان ماشوم کډوال مړينه

* جرمني کې افغان کډوال ماشوم له انګلا مېرکل مننه وکړه

ټاکلې ده په جرمني کې د کډوالو مسله راتلونکې پارلماني ټاکنې هم اغېزمنې کړي، چې په راتلونکي سپټمبر کې کېږي.

د جرمني د بهرنیو چارو وزارت د یکشنبې په ورځ دا شمېرې خپرې کړې او ویلي یې دي چې د پارلماني پوښتنو په ځواب کې یې چمتو کړې دي.

د دې بریدونو کچه د ۲۰۱۵ کال د حملو له شمېر سره بشپړه پرتلنه نه ده شوې، ځکه پر مجردو کسانو د ۲۰۱۶ کال بریدونه په ځانګړې ټولۍ یا کټګورۍ کې راوړل کېږي.

د انځور حقوق AP
Image caption په دغو بریدونو کې ۴۴ ماشومان هم ژوبل شوي دي.

اړونده مطالب

ورته مطالب