ترکیې له هالنډه د غچ اخیستو ګواښ کړی

د انځور حقوق Reuters
Image caption شاوخوا ۱۰۰۰ لاریونیان روټرډام کې د ترکیې کونسلګرۍ مخې ته راغونډ شوي وو

ترکيې د هالنډ حکومت ته وروسته له هغه د غچ اخيستلو ګواښ کړی، چې دغه حکومت یوه ترکۍ وزیره په روټرډام ښار کې ترکي لاریون کوونکو ته له وینا کولو منع او وروسته وایسته.

د فاطمه بتول سایان کایا په نوم د ترکيې کورنۍ وزیرې غوښتل په روټرډم ښار کې له ترکي لاریون کوونکو سره وګوري.

دا دویمه ترکي وزیره ده چې هالنډي چارواکي يې مخنیوی کوي.

د هالنډ لومړي وزیر په دغه لاریون کې د آغلې کایا شته والی نامسؤوله چاره بللې، خو ترکي دولت وايي، له وزیرې سره يې دا ډول چلند دوی ته د منلو وړ نه دی.

اردوګان د هالنډ دولت د نازیانو پاتې شوني وبلل

د ترکیې پوځ پر حجاب بندیز لغوه کړ

د هالنډ بلواضد پولیسو د ترکیې د ولسمشر رجب طیب اردوغان د ملاتړو لاریون ګډوډ کړی او هالنډي چارواکو د ترکیې یوه وزیره پلازمېنه روټرډام کې د ترکیې کونسلګرۍ ته له تګه راګرځولې ده.

رپوټونه وايي، هالنډي پولیسو د ترکیې د کورنۍ وزیره فاطمه بتول کایا د جرمني پولې ته ایستلې ده. نوموړې له جرمني هالنډ ته تللې وه.

په پام کې وه چې دغه وزیره د ترکي دولت د راتلونکې میاشتې ټولپوښتنې د ملاتړ په موخه روټرډام کې وینا وکړي.

د ترکي ولسمشر ملاتړي د شنبې په ورځ (مارچ ۱۱مه/ کب ۲۱مه) وروسته تر هغه واټونو ته راووتل چې هالنډ د ترکیې کونسلګرۍ ته د ترکۍ وزیرې د ورتګ مخه ونیوه.

د انځور حقوق Reuters
Image caption فاطمې بتول کایا پر ټویټر لیکلي، چې له هالنډه تر جرمني پورې بدرګه شوې ده

د فاطمې له مخنیوي وروسته د ښاغلي اردوغان ځینې ملاتړي روټرډام کې د ترکیې د کونسلګرۍ مخې ته ورغلل، خو بلوا ضد پولیسو تیت او پرک کړل.

د لاریونیانو د تیت پرک کولو لپاره پولیس پر اسونو سپاره د لاریونیانو منځ ته ننوتل او اوبشیندي ماشینونه یې راوړل چې لاریونیان د کونسلګرۍ له شاوخوا لیرې کړي.

رپوټونه وايي، د بلواضد پولیسو په مداخلې سره لاریونیانو هم پر پولیسو له اوبو ډک بوتل وویشتل.

د ترکیې د کورنۍ او هوساینې چارو وزیره د شنبې په ورځ له جرمني ته د هالنډ روټرډام ته تللې وه، خو خپلې کونسلګرۍ ته پرې نه ښودله شوه.

پر خواله رسنیو کونسلګرۍ ته د هغې د تګ د مخنیوي د غندلو ډېرې تبصرې کارته پورته شوې دي.

د انځور حقوق EPA
Image caption د ترکیې وزیره فاطمه بتول د هالنډ له پولې جرمني ته ایستل شوې
د انځور حقوق AFP
Image caption بلواضد پولیسو د یکشنبې ګهیځ وختي د اردوغان ملاتړی لاریون ګډوډ کړ

د انقرې او روټرډام ترمنځ ډيپلوماتیکه ترینګلتیا وړاندې هم ډېره شوې وه.

وړاندې د ترکیې ولسمشر رجب طیب اردوغان روټرډام کې له لاریون وړاندې د هالنډ دولت د "نازیانو پاتې شونی او توکمپال" بللی دی.

د هالنډ لومړي وزیر د ښاغلي اردوغان دا دریځ له "لېونتوبه ډکې خبرې" بللې.

په جرمني، هالنډ او اتریش کې څه باندې پنځه میلیونه ترکي وګړي اوسېږي. له دغو کډوالو نژدې یو نیم میلیون یې د ترکیې راتلونکې میاشتې ټولپوښتنې کې د ګډون حق لري.

له همدې کبله د ترکیې حکومت د خپلو وګړو د نظر او رایې جلبولو لپاره په دې درو هېوادونو کې ځانګړی پروګرام پیل کړی.

د انځور حقوق AP
Image caption بلوا ضد پولیسو د اسونو او سپیانو په مټ لاریونان تیت او پرک کړل
د انځور حقوق Reuters
Image caption په جرمني، هالنډ او اتریش کې څه باندې پنځه میلیونه ترکي وګړي اوسېږي. له دغو کډوالو نژدې یو نیم میلیون یې د ترکیې راتلونکې میاشتې ټولپوښتنې کې د ګډون حق لري.

ولې ځینې هېوادونه پر غونډو د بندیز هڅه کوي؟

ګڼ هېوادونه د امنیتي اندېښنو له کبله پر غونډو د بندیز لګولو هڅه کوي.

د جرمني، هالنډ او اتریش دولتونو پخپلو خاورو کې د ښاغلي اردوغان د دولت د ملاتړو د غونډو او ناستو په اړه اندېښنه ښودلې ده.

د اتریش د بهرنیو چارو وزیر سباستین کورز ویلي، د اردوغان ملاتړې غونډې جوړېدو هرکلی نه کوي.

د هالنډ لومړي وزیر مارک روته ویلي، هالنډ له ترکیې غوښتي چې د "عام نظم په تړاو" اندېښنې راپاروونکې ناستې ونه کړي.

اردګان له قبرص نه د ټولو ترکي پوځونو وتل رد کړي

اړونده مطالب

ورته مطالب