په ګانا کې د ځړوب پر سر ونې غورځېدلو ۲۰ کسان ووژل

  • 20 مارچ 2017 - 30 کب 1395
د انځور حقوق .
Image caption په دې پېښه کې شل کسان ټپي شوي هم دي.

د افریقا د گانا په کنټامپو کې د مشهور ځړوب د یوې ونې غورځېدلو له امله لږ تر لږه ۲۰ کسان وژل شوي او ډېر نور ژوبل شوي دي.

د ګانا د بېړنیو چارو څانګه وايي، کله چې په توپان کې دا ونه غورځېدله، دا خلک په دغه ځړوب کې لمبېدل.

ځايي چارواکي وايي، د نورو خلکو د ژغورلو لپاره یې امنیتي ځواکونه او مرستندویان لېږلي دي.

"په وژل شویو کې تر ډېره د ښوونځي زدکوونکي دي، ځینې سیلانیان هم دي. د ونې څانګې پرې کو چې پکې ایسار خلک وژغورو".

د ګانا رسنیو ته یوه سړي د سترګو لیدلی حال ویلي او په خبره یې، کله چې باران پیل شو، پر لوړه ولاړه دنګه ونه وغورځېده.

* ګانا کې د اقتصادي پرمختګ هیلې

* په ګانا کې ژوندۍ ډرامې په ډېرېدو دي

ژغورونکو اې اېف پي خبري اژانس ته ویلي، د پېښې په ځای کې اتلس زدکوونکي وژل شوي او دوو نورو په روغتون کې سا ور کړې ده.

د ځینې معلوماتو له مخې په دې پېښه کې شل کسان ټپي شوي او د درملنې لپاره کانټامپو روغتون ته لېږدول شوي دي.

د ګانا د سیلګرۍ وزیر په یوه بیان کې پر دغه پېښه خواشیني او له غمجنو کورنیو سره خواخوږي ښودلې ده.

د انځور حقوق Getty Images
Image caption ونه د باران او توپان پر مهال غورځېدلې ده.

اړونده مطالب