نشه پیلوټ ته اته میاشتې بند

د انځور حقوق Mark King/Sunwing Airlines

د کاناډ اړوندې یوې الوتکې کې یو پیلوټ له الوتنې وړاندې د پیلوټ خونه کې نشه موندل شوی و، په اتو کلونو بند محکوم شوی دی.

۳۷ کلن میروسلاو ګرونیچ د سلواکیا اوسېدونکی دی، چې د مارچ پر ۲۱مه یې د یوې الوتکې د کنټرول له لاسه ورکولو ناغیړي منلې ده.

نوموړی د نوي کال پر لومړۍ شپه داسې مهال ونیول شو، چې د ''سن وېنګ'' هوايي چلند اړوند شرکت الوتکې د پیلوټ خونه کې د مستۍ په حال کې وموندل شو.

د الوتنې پر مهال د الوتکې پیلوټ مړ شوی

په مساپر وړونکې الوتکه کې مار

د هغه په وینه کې د جواز له کچې درې برابره ډېر شراب روا بلل شوي وو.

په البرټا کې یوه ان براون د دوشنبې په ورځ ښاغلی ګرونیچ د بند مودې له پای ته رسېدا وروسته تر یوه کال پورې له الوتنو منع کړی دی.

نوموړی ۱۰۰ کاناډايي ډالر جریمه شوی هم دی.

کله چې نوموړی د نوي کال په لومړۍ ورځ په کالګاري کې الوتکې ته وخوت، د خپل کوټ ځوړندولو پرمهال ګډې وډې خبرې کولې.

په تېره مارچ میاشت کې محکمه کې د لوستل شوې ویناپاڼې پربنسټ، مرستیال پیلوټ ویلي وو، چې ښاغلی ګرونیچ الوتکه پرېښوده او د پیلوټ پر څوکۍ کښېناست او ظاهراً یې "خپل مخ پر کړکۍ تکیه کړ".

وروسته په هوټل کې د هغه په خونه کې د وډکا یو تش بوتل وموندل شو.

ددغه پیلوټ الوتکه یوه بل پیلوټ له کالګاري نه د مکسیکو کانکون ته بېولې ده.

په یاده الوتنه کې ۱۰۰ مسافر وو.

سن وېنګ شرکت په دې تړاو له څرګندونو ډډه کړې ده.

اړونده مطالب

ورته مطالب