هند: د پوستې له لارې طلاق لېږونکی سړی نیول شوی

د انځور حقوق AFP
Image caption هند کې د دریو طلاقونو موضوع له مخالفتونو سره مخامخ ده

یو هندی سړی له دې کبله پولیسو نیولی، چې خپلې دویمې مېرمنې ته یې د پوستې کارت له لارې طلاق ورکړی و. پر نوموړي د خپلې مېرمنې ځورولو او ورسره د ټګي، برګي کولو تور لګېدلی.

د سویلي حیدراباد ښار اوسېدونکي محمدحنیف نومي دغه ۳۸ کلن سړي له واده کولو درې اونۍ وروسته خپلې مېرمنې ته پوست کارت استولی و، چې په کې یې درې ځله 'طلاق ' لیکلي وو.

هند: ګجرات کې د غواګانو حلالونکو لپاره د عمر بند سزا

''سیندونه هم انسانان دي''

محمدحنیف د ضمانت بدل کې خوشی شوی و، خو اوس پولیس وايي د جنسي تېري په تور به یې بېرته ونیسي. د پولیسو مرستیال مشر وې ستیه نراین بي بي سي ته ویلي:

''زموږ معلومات ښيي، چې حنیف مناسب چلند نه دی کړی، ځکه هغه اړین اسناد نه درلودل. ''

هغه وايي، 'موږ د حنیف ضمانت ردوو او د جنسي تېري په تور یې بېرته نیسو. '

حنیف خپله لومړنۍ مېرمن لا هم نه ده طلاقه کړې.

نوموړی د لومړنۍ مېرمنې له شکایت وروسته نیول شوی و. هند کې د دریو طلاقونو موضوع له سخت مخالفت سره مخامخ ده.

د بشري حقونو هندي سازمانونه یې پر ضد کمپاین کوي او د دغه هېواد ستره محکمه پرې د بندیز په اړه غور کوي.

ورته مطالب