سشما سوراج: پاکستان کې هندی ژغورو که هر څه کېږي

د انځور حقوق Getty Images
Image caption که پاکستان کلبوشن یادو ته سزا ور کړه، نو د دو اړو هېوادونو په اړیکو به ناوړه اغېز وکړي

د هندوستان د بهرنیو چارو وزیره سشما سوراج وايي، په پاکستان کې د جاسوسۍ په تور نیول شوی هندی په هر قیمت ژغوري.

یاد هندی کلبوشن یادو نومېږي او د پاکستان محکمې هندوستان ته د جاسوسۍ په تور د غرغرې سزا ور اورولې ده.

د پاکستان د پوځ عامه اړیکو دفتر ويلي، د دوی یوې پوځي محکمې د ''کلبوشن یادو ''په نوم د هند هغه مشکوک جاسوس ته د مرګ سزا اورولې، چې یو کال وړاندې يې نیولی و.

د پاکستاني چارواکو په وینا دغه مشکوک جاسوس یې د بلوچستان له بلوڅ مېشتې ماشکې سیمې څخه نیولی چې په خبره يې هلته يې د بلوڅو وسلوالو ډلو کومک کاوه او د بلوچستان په ګډون "په کراچۍ کې يې هم ترهګریز فعالیتونه پلانول."

هند د پاکستان دغه تورونه ردوي او وايي، کلبوشن یادو د هند د سمندري ځواک پخوانی افسر و، وړاندې يې تقاعد کړی او اوس يې ورسره هېڅ اړیکې نه شته.

د هند په ډزو کې: ۷ پاکستاني پوځیان ووژل شول

پاکستان مشکوک هندي جاسوس ته د مرګ سزا اورولې

د هندي لیکوال شکیل اختر په خبره، د هندوستان د بهرنیو چارو وزیرې چې په غونډه کې خبرې کولې، پاکستان یې وننګاوه که یې کلبوشن ته سزا ور کړه، نو د دواړو هېوادونو پر اړیکو به ناوړه اغېز وکړي.

اغلې سوراج پخپلو خبرو کې کلبوشن یادو د هندوستان بچی بللی او پر هغه لګېدلي تورونه یې جعلي بللي دي: "کلبوشن یي له ایرانه تښتولی دی، هغه بې ګناه دی او دا ټوله ډرامه د هندوستان د بدنامۍ لپاره جوړه شوې ده."

د پاکستان پوځ د ۲۰۱۶ کال په مارچ میاشت کې د ښاغلي یادو تر نیولو وروسته د هغه یوه ویډيو هم خپره کړه چې هغه پکې ځان د هند د څارګرې ادارې غړی یادوي او مني چې ګواکې ده په بلوچستان او کراچۍ کې د ناامنیو په پېښو کې لاس لاره، خو دا لا څرګنده نه ده چې نوموړي په کوم حالت کې دا اقرار کړی دی.

له قوانینو سرغړونه

د بخښنې نړیوال سازمان هم د پاکستان د پوځي محکمې له خوا هندي کلبوشن یادو ته د مرګ سزا په اورولو نیوکه کړې ده.

دغې ادارې ویلي، کلبوشن ته د مرګ له سزا اورولو دا معلومېږي چې د پاکستان پوځي محکمې څنګه له نړیوالو قوانینو سرغړونه کوي.

د انځور حقوق ISPR
Image caption د پاکستان پوځي محکمې له نړیوالو قوانینو سرغړونه کوي

پاکستان په داسې وخت کې د هند همدې مشکوکه جاسوس ته مرګ سزا اوروي، چې له تېرو شاوخوا شپږو میاشتو راهیسې د دواړو څنګلوریو هیوادونو اړیکې ترینګلې دي.

د اړیکو ترینګلتیا لوی لامل تېر کال د هند تر ولکې لاندې کشمیر کې د هندي پوځ پر یوې اډې د اورپکو برید و، چې هند يې تور د پاکستان پر څارګرو ادارو پورې کړ.

له همغه راهیسې د اسلام اباد او ډیلي ترمنځ اړیکې نه یوازې ترینګلې بلکې وخت ناوخت يې پوځيان پر کنټرول کرښې سره نښلي.

د هند تر کنټرول لاندې کشمیر شخړو کې اته کسان وژل شوي

هندي پوځ کشمیر کې د پاکستاني سرتېرو وژلو ادعا کړې

پاکستاني چارواکي ادعا کوي په دغه هیواد او په ځانګړې توګه بلوچستان کې د ناامنۍ تر شا د هند او افغانستان څارګرو ادارو لاس دی، خو دواړه هېوادونه نه یوازې دا تورونه ردوي، بلکې زیاتوي اسلام اباد د داسې ادعاوو په مطرح کولو غواړي هند او افغانستان کې خپله لاسوهنه پټه کړي.

په دې وسیله کې د غږ اوريدل او ویډیو لیدنه شونې نه ده.
کشمیر کې تېرو میاشتو کې لسګونه خلک وژل شوي

اړونده مطالب

ورته مطالب