د نړۍ تر ټولو ډېر عمر ښځه د ۱۱۷ کلونو په عمر مړه شوه

د انځور حقوق AFP
Image caption اېما پخپل ۱۱۷ کلن ژوند کې د دوو نړیوالو جګړو او بریتانیا کېد ۹۰ دولتونو رامنځ ته کېدو شاهده وه

د نړۍ تر ټولو د ډېر عمر انسان، چې یوه ۱۱۷ کلنه بوډۍ وه، مړه شوې ده. اېما مورانو د دوو نړیوالو جګړو شاهده وه.

نوموړې د ۱۸۹۹ کال نومبر میاشتې پر ۲۹مه، د ایټالیا پیډمونټ سیمه کې کې زیږېدلې وه.

دې ۷ خویندې او یو مشر ورور درلود، چې ټول تر دې مخکې مړه شوي.

د نړۍ تر ټولو د ډېر عمر سړی ۱۱۲ کلنۍ کې ومړ

تر ټولو د ډېر عمر بوډۍ خپله ۱۱۶ کلیزه لمانځي

'نړۍ کې تر ټولو د روغ زړه لرونکي خلک'

نوموړې د ایټالیا شمال وربانیا کې خپل کور کې مړه شوه.

د انځور حقوق EPA
Image caption اغلې مورانو د خپلې ځوانۍ یو انځور هم ورسره ساتلی

مورانو په درو پېړیو (۱۹مه، ۲۰مه او ۲۱مه) کې ژوند کړی. د هغې مېړه بدعمله سړی و، خو دا پخپل ژوند کې د خپل یوازېني زوی د مرګ شاهده وه.

دا ښځه پخپل ۱۱۷کلن ژوند کې بریتانیا کې د ۹۰ حکومتونو راتلو شاهده هم وه.

د انځور حقوق EPA
Image caption اغلې مورانو د خپلې ځوانۍ یو انځور هم ورسره ساتلی

'ښه ژن او هګۍ'

اغلې مورانو ته ډېر عمر د خپلې مور نه په میراث پاتې و، د هغې مور د ۹۱ کلونو په عمر مړه شوې وه او ځینو خویندو یې هم سلیزه پوره کړې وه.

مورانو پخپل څه باندې ۹۰ کلن عمر کې هره ورځ درې هګۍ خوړلې، چې دوې به یې خامې خوړلې.

دا وايي همدا لامل و چې دا یې 'ځوانه' ساتلې وه. دا وايي دا خواړه یې له لومړۍ نړیوالې جګړې وروسته د ډاکټر د هغې سپارښتنې پربنسټ پیل کړل، چې ویل یې ګني کمخوني لري.

د انځور حقوق .
Image caption د اېما مورانو د ماشومتوب انځور چې د ۱۸ میاشتو وه، او په ۲۰مه پېړۍ کې بل انځور یې چې ۴۳ کلنه وه

په وروستیو کې د هغې خواړه په ورځ یې یوازې دوې هګۍ او یوڅو پیسکوټه وو.

د نړۍ تر ټولو د ډېر عمر ښځه ومړه

د هغې د ۲۷ کلونو ډاکټر کارلو باوا اې ایف پي خبري اژانس ته ویلي، دې به ډېر کم سبزیجات او مېوه خوړله:

''کله مې چې ولیده، هره ورځ به یې درې هګۍ خوړلې، دوې به یې ګهیځ خامې خوړلې او یوه په غوړو کې له غرمې وروسته، او ماښام به یې چرګ خوراک و. ''

د انځور حقوق Reuters
Image caption تېر کال د هغې د زوکړې ۱۱۷ م کال ولمانځل شو

مورانو په ۱۹۳۸ کال له خپله مېړه نه د بېلتانه پرېکړه وکړه. ټیک یو کال وروسته تر هغه چې د شپږو میاشتو زوی یې ومړ.

دا وايي، له مېړه سره یې هېڅ خوشحاله نه وه؛ ځکه پر هغه زلمي مینه وه، چې د لومړۍ نړیوالې جګړې پرمهال وژل شوی و او له بل چا سره یې واده کولو ته هېڅ لېوالتیا نه وه.

خو هغې ''لا سټمپا'' ورځپاڼې ته ویلي، ''هغه راته وویل: که نېکبخته یې، نو له ما سره واده وکړه، که نه وژنم دې. زه ۲۶ کلنه وم. واده مې ورسره وکړ.

اړونده مطالب

ورته مطالب