۱۲ کلن ماشوم له ۱۳۰۰ کیلومتره موټر چلولو وروسته پولیسو نیولی

استرالیا د انځور حقوق Getty Images
Image caption ماشوم د سیمې دغه یوه ته ورته سړک باندې سفر کړی

استرالیا کې یو ۱۲ کلن ماشوم له ۱۳۰۰ کیلومتره موټر چلولو وروسته د پولیسو لخوا نیول شوی دی. په ظاهره داسې معلومېږي، دغه ماشوم غوښتل د استرالیا له یوه سره تر بله موټر وچلوي.

دغه ماشوم نیو ساوت ویلز کې د پولیسو ګزمې له هغه وروسته درولی، چې دوی ولیدل د موټر بمپر یې پر ځمکه لګېده. پر یکشنبې د دغه ماشوم مور، پلار هغه د پولیسو له مرکزه ځان سره بیولی.

دوی د ماشوم بې درکۍ خبر پولیسو ته له مخکې ورکړی و. دغه سلګونه کیلومتره لار، چې ماشوم پرې سفر کړی، د استرالیا له شنو کروندو او میداني سیمو تېرېږي او تر پرت ښاره پورې دغه ټوله لاره له درېدو پرته تر ۴۰ ساعتونو پورې وخت نیسي.

اسټرالیا کې د جهیل اوبو رنګ ګلابي شوی

هغه مېړه او مېرمن نیول شوي، چې د ماشوم پلورلو هڅه یې کوله

د هلک زيږولو لپاره د يوې هندۍ ورځپاڼې لارښوونې

ځايي رسنۍ وايي، تر ډېره حده ځکه پر دغه ماشوم شک نه دی شوی، چې له خپله عمره ډېر معلومېږي.

د یوه ځايي پټرول پمپ مزدورانو ویلي دوی پر دغه ماشوم د ۱۹ یا ۲۰ کلن زلمي ګومان کاوه. پولیس هم ویلي د ماشوم ونه نژدې شپږ فوټه یا یو اعشاریه اته سانتي مترو ته رسېږي.

یو پولیس افسر کیم فیهون ویلي، ماشوم د کورنۍ موټر کې له کوره وتلی و او خپلوانو یې سملاسي پولیس ته د هغه بې درکۍ په تړاو ویلي و. ځايي چارواکو بي بي سي ته ویلي، ښایي کم عمرۍ کې د موټر چلولو په تور دغه ماشوم جریمه شي.