جاپانۍ شهزادګۍ د واده لپاره شاهي کورنۍ پرېږدي

د انځور حقوق Reuters
Image caption ۲۵ کلنه " ماکو" د لور له خوا د امپراتور اکیهیتو مشره لمسۍ ده

د جاپان د سلطنتي کورنۍ غړې " شهزادګۍ ماکو" پرېکړه کړې چې له یوه عادي هلک سره واده وکړي او د شاهي کورنۍ له غړیتوب لاس ووینځي.

د جاپان د شاهي قوانینو له مخې، شهزادګۍ چې له شاهي کورنۍ بهر له چا سره واده وکړي، شاهي کورنۍ باید پرېږدي.

۲۵ کلنه " ماکو" د لور له خوا د امپراتور اکیهیتو مشره لمسۍ ده.

پېغله " ماکو" غواړي له ۲۵ کلن " کي کوموروی" سره چې د پوهنتون همدوره یې و، واده وکړي.

ښاغلی کومورو په یوه دارالوکاله کې وکیل دی.

په چین کې د واده دود

د امریکا څارګرې له داعشي قومندان سره واده کړی

هغه زوم نیول شوی چې وراباڼي یې د پېسو بدل کې راوستي وو

د شهزادګۍ او یوه عادي کس د واده خبر چې سیمه ییزو رسنیو راپورته کړی، یو ځل بیا به په جاپان کې د شاهي کورنۍ د کوچني کېدو په اړه جدي بحثونو ته لمن ووهي.

" شهزادګۍ ماکو" او " کی کومورو" په ۲۰۱۲ کال کې د توکیو د مسیحیانو په پوهنتون کې له یو بل سره وپېژندل.

ښاغلي کومورو د چارشنبې په ورځ جاپاني رسنیو ته له اغلې ماکو سره د واده په اړه وویل: "په دې اړه د څه ویلو لپاره مناسب وخت نه دی، خو کله یې چې وخت را ورسېد په اړه یې در سره خبرې کوم."

د جاپان شاهي کورنۍ د امریکا " سي‌این‌‌این" شبکې ته منلې چې د شهزادګۍ د کوژدې پر پروګرام کار روان دی. ۸۳ کلن امپراتور " اکیهیتو" موده وړاندې وویل زوړ شوی او نور غواړي له صحنې ګوښه شي.

د انځور حقوق AFP
Image caption شهزادګۍ ماکو او کیمورو په ۲۰۱۲ کال له یو بل سره وپېژندل

په تېرو دوو پېړیو کې هیڅ جاپاني امپراتور له دندې ځان نه دی ګوښه کړی او د جاپان اوسني قوانین د ورته چارې اجازه هم نه ور کوي.

جاپان دمګړۍ د امپراتور د ګوښه کېدو په پار پر اړینو قانوني بدلونونو غور کوي.

که امپراتور له دندې ګوښه هم شي، بیا به د قدرت وراثت د دغې کورنۍ د نارینه‌وو په برخه وي.

ولیعهد ناورهیتو، شاهزاده فومیهیتو، شاهزاده هیساهیتو(د فومیهیتو زوی) او د امپراتور ځوان ورور ماساهیتو پرلپسې د سلطنت راتلونکی وارثان دي.

اړونده مطالب

ورته مطالب