د بیا کتنې یوې محکمې هم د ټرمپ د کډوالۍ فرمان ضد رایه ورکړه

د ټرمپ د کډوالۍ بندیز د یو لړ لاریونونو لامل شو د انځور حقوق AFP/Getty
Image caption د ټرمپ د کډوالۍ بندیز د یو لړ لاریونونو لامل شو

د امریکا متحده ایالتونو کې د بیا کتنې یوې محکمې د دغه هیواد د ولسمشر ډونلډ ټرمپ د کډوالۍ فرمان پر ضد رایه ور کړه.

دا محکمه په سن فرانسیسکو کې ده او د دوشنبې په ورځ یې د امریکا د حکومت د استیناف غوښتنه رد کړه، چې له مخې یې د کډوالۍ فرمان پرضد د هاوای ایالت د فدرال قاضي پرېکړه له منځه تلله.

خو د بیا کتنې محکمې د هاوای د فدرال قاضي حکم تایید کړ او ویې ویل، چې د ډونلډ ټرمپ د کډوالۍ منع کولو فرمان "د مسلمانانو پرضد توپیریت یا تبعیض دی".

قاضي د ټرمپ د سفر بندیز امر نور هم ځنډولی

م. م: د ټرمپ سیاست د بهرنیانو ضد کرکه پاروي

''امریکا ته پر تګ د بندیز لګولو قانوني واک لرم''

د محکمې د دې حکم په یوه برخه کې راغلي: "یو هوښیار څارونکی دا فرمان د ځانګړي دین پرضد ویني".

خو د امریکا حکومت د ډونلډ ټرمپ له دغه خبر جوړونکي کډوالۍ فرمان څخه په دفاع کې ویل چې دا فرمان د یو ځانګړي دین پرضد نه دی.

میاشت وړاندې د امریکا حکومت د ډونلډ ټرمپ د کډوالۍ فرمان پرضد د ریچمونډ بیا کتنې محکمې د ورته نظر په غبرګون کې د متحده ایالتونو په ستره محکمه کې د دې پرېکړې د ارځولو غوښتنه وکړه.

ستره محکمه د امریکا تر ټولو ستره قضايي اداره ده.


د کډوالۍ ضد فرمان کیسه

د انځور حقوق AFP
  • د ولسمشرۍ په پیلولو سره د ډونلډ ټرمپ یوه لومړنی ګام د جنورۍ پر ۲۷ د هغه فرمان صادرولو و، چې له مخې یې دغه هېواد ته د ۹۰ ورځو لپاره د ایران په ګډون د اوو هېوادونو پر وګړو بندیز لګېده.
  • خو د دغه فرمان حقوقي اړخونو ته ښه پام نه و شوی، ځکه په ایالتي محکمو کې وننګول او سرغړونه ترې وشوه.
  • د امریکا هوايي ډګرونو او ښارونو کې د دغه فرمان ضد لاریونونه وشول او له صادرېدلو اووه ورځې وروسته محکمې دا فرمان وځنډاوه.
  • د مارچ پر شپږمه د امریکا ولسمشر د خپلې خوښې بندیز د پلي کولو لپاره په مارچ میاشت کې بل فرمان صادر کړ.
  • په نوي فرمان کې د هغو هېوادونو شمېر ۶ ته ټیټ شو چې امریکا ته یې د وګړو پر تګ بندیز لګېدلی و.
  • د هغو کسانو هم بندیز لرې شو چې د امریکا معتبره ویزه یې درلوده.
  • د مارچ پر ۱۶ په هاوای ایالت کې د فدرال محکمې یوه قاضي ډریک واټسن د ډونلډ ټرمپ دغه فرمان هم په ټول هېواد کې وځنډاوه.
  • دا دویم ځل دی چې د ډونلډ ټرمپ د کډوالۍ فرمان په محکمو کې ځنډول کېږي.
  • د فدرال محکمې حکمونه له قضايي اړخه په ټولو متحده ایالتونو کې پلي کېږي.

د انځور حقوق AFP
Image caption د ترمپ د سفر بندیز امر په ګڼو محکمو کې رد کړل شو

ورته مطالب