امریکا پاکستان کې حزب المجاهدین ترهګره ډله وبلله

د انځور حقوق AFP
Image caption سید صلاح الدین د حزب المجاهدین مشر.

امریکا په پاکستان کې کشمیرۍ توندلارې ډله حزب المجاهدین بهرنۍ ترهګره ډله وبلله او بندیزونه یې پر ولګول.

د امریکا د بهرنیو چارو وزارت په دې تړاو یوه بیان کې وايي:

"امریکا حزب المجاهدین د بهرنۍ ترهګرې ډلې په بللو سره امریکايي ولس او نړیوالې ټولنې ته دا وايي، چې دا ډله ترهګره ده. په دې ډول د ترهګرو او ترهګرو ډلو له خوا د امریکا د مالي ادارو پر کارولو بندیز لګېږي. پر دې سربېره د دوی خلاف هڅو کې له امریکايي امنیتي ادارو او نورو حکومتونو سره مرسته پکار ده".

* کشمیر کې د هند پر پوځي اډې برید شوی

* کشمیر کې پر هندي پوځي اډې برید '۱۷ پوځيان وژلي'

امریکا وايي، پر حزب المجاهدین ډله په بندیزونو لګولو سره دا ترهګره ډله د بریدونو لپاره د بسپنې یا چندې له ټولولو هم منع کېږي.

د دې بندیزونو له مخې امریکا کې د حزب المجاهدین شتمنۍ کنګلېږي او له دې ډلې سره د امریکايي وګړو په هر ډول اړیکو هم بندیز لګېږي.

صلاح الدین او حزب المجاهدین

د انځور حقوق AFP
Image caption د سید صلاح الدین اصلي نوم محمد یوسف شاه دی.

د حزب المجاهدین مشر سید صلاح الدین له لسګونو کلونو راهیسې کشمیر کې د هند ضد د ازادۍ جګړې دعوه کوي.

د امریکا د بهرنیو چارو وزارت هم وايي، چې د سید صلاح الدین په مشرۍ دې ډلې د څو بریدونو مسوولیت منلی دی.

سږ کال جون کې د هند د لومړي وزیر نرېندر مودي د واشنګټن د سفر پر مهال د امریکا حکومت د حزب المجاهدین مشر سید صلاح الدین د نړیوالو ترهګرو نوملړ ته ور زیات کړ.

* کشمیری زلمی څنګه افغانستان کې ووژل شو؟

* پاکستان: جماعت الدعوة سیاسي ګوند جوړوي

هغه مهال د امریکا د بهرنیو چارو وزارت وویل، چې سید صلاح الدین د ۲۰۱۶ کال سپټمر کې ګواښ کړی و چې د کشمیر کشالې د هر ډول سوله ییز اواري مخه به ونیسي، په دغه سیمه کې به ډېر ځانمرګي تیار کړي او کشمیر به د هندي پوځیانو پر ګور بدل کړي.

هند پر پاکستان تور لګوي چې د نورو کشمیري ډلو په څېر یې حزب المجاهدین ته هم په خپله خاوره کې ځای و رکړی، مالي او وسلوال ملاتړ یې کوي.

اسلام اباد دا تورونه ردوي، خو تېر کال کشمیر کې د حزب المجاهدین قومندان برهان واني له وژل کېدو وروسته د پاکستان حکومت نوموړی شهید وباله.

تر ټولو لویه جنګي ډله

ر د انځور حقوق Getty Images
Image caption هندي پوځیان کشمیر کې د ګزمې پر مهال.

حزب المجاهدین په هندي کشمیر کې د بېلتون غوښتونکو ډلو په منځ کې تر ټولو لویه او مهمه جنګي ډله بلل کېږي.

دې ډلې په دغه سیمه کې د څو ترهګریزو بریدونو مسوولیت منلی، چې پکې د ۲۰۱۴ کال اپرېل میاشت کې چاودنې هم دي، چې ۱۷ کسان پکې ووژل شول.

* هندي کشمیر کې هره ورځ نژدې ۵۰ کسان نیول کیږي

* د عکسونو البوم: کشمیر کې د ګرځبندیز پرمهال ښوونځي

د هند حکومت هم سید صلاح الدین ترهګر او د څو بریدونو مسوول بللی دی.

د هند حکومت وايي، سید صلاج الدین پاکستان کې اوسېږي او کشمیر کې د دغه هېواد پرضد هڅې کوي.

هند د ۲۰۱۱ کال په مۍ میاشت کې پاکستان ته د ۵۰ غوښتو یا مطلوبو کسانو نوملړ ور کړ چې سید صلاح الدین هم پکې دی.

برهان واني

د انځور حقوق Facebook
Image caption برهان واني، د حزب المجاهدین یو قومندان و، چې کشمیر کې ووژل شو او پاکستان د شهید نوم ور کړ.

برهان واني په کشمیر کې د حزب المجاهدین قومندان و چې د ۲۰۱۶ کال د جولای پر اتمه هندي ځواکونو وواژه.

د نوموړي له وژلو وروسته په سیمه کې لویې مظاهرې پیل شوې چې په تاوتریخوالي واوښتې او تر څو میاشتو روانې وې.

* ''پاکستانی حکومت د ترهګرۍ له نظریې اغېزمن دی''

* هند: د پاکستان د کشمیر خوب به کله هم رښتیا نه شي

په هغو مظاهرو کې تر سلو پورې کسان ووژل شول او په زرګونو نور ټپیان شول.

سږ کال د برهاني واني د لومړي تلین په ورځ هم کشمیر کې سخت امنیتي تدابیر نیول شوي و.

د هندي کشمیر سرینګر او سویلي برخه کې ګرځبندیز و او انټرنېټ پرې کړل شوی و.

د انځور حقوق Getty Images
Image caption برهان واني د تلین په ورځ ښار تړل شوی.

ورته مطالب