د عکسونو البوم: د نړۍ تر ټولو وچه دښته کې د ګلونو پسرلی

د انځور حقوق EPA
Image caption د ګلونو موسم کې سیلانیان دې دښتې ته ځي.

د لاتینې امریکا په چیلي کې د نړۍ تر ټولو وچې دښتې ایټاکاما په څو سیمو کې ناڅاپي ورښت د ګلونو پسرلی جوړ کړی دی.

ایټاکاما له هرو پنځو تر شپږو کلونو وروسته د ګلونو دښته کېږي، ځکه په دغه مهال د ورښت له امله هرې خوا ته ګلونه غوړېږي.

پر ۲۰۱۵ کال هم پر دغه دښته د ګلونو ورکوټی پسرلی راغلی و، خو اوس دوه کاله وروسته ډېر ښه ګلونه پکې زرغون شوي دي.

د باران پایله کې دښته پر دوه ډوله ګلونو ښکلې کېږي.

د دې ښکلې منظرې د لیدلو لپاره د چیلي له مختلفو سیمو او بهر څخه سیلانیان او بوټپوهان دې دښتې ته ځي.

د سیلګرۍ اداره وايي، چې راتلونکو ورځو کې به دا ډول نور ګلان هم وغوړېږي.

ایټاکاما چې د نړۍ تر ټولو وچه دښته بلل کېږي دا ناڅاپي بارانونو داسې بدله کړې لکه د ګلونو ټیکری پر غوړېدلې وي.

د انځور حقوق EPA
Image caption ګلان د واورې منظره هم ور کوي.
د انځور حقوق EPA
Image caption د ډېرو ګلونو رنګ سپین وي.
د انځور حقوق EPA
Image caption زېړ ګلان هم ښکاري.
د انځور حقوق EPA
د انځور حقوق EPA
Image caption د دې دښتې ډېرې برخې په کال کې وچې وي.