د ۴۰ ژبو ژباړونکي غوږي

. د انځور حقوق Google

د امریکا په سنفرانسیسکو ایالت کې د ټیکنالوجۍ په یوه نندارتون کې ګوګل کمپنۍ د داسې غوږیو د جوړولو خبره وکړه چې په کم وخت کې له ۴۰ ژبو ژباړه کوای شي.

دغه غوږي (هیډفونز) "ګوګل پکسل بډز" نومېږي. د چهارشنبې په شپه یې لومړنۍ غږیزه ژباړه نندارې ته وړاندې شوه.

په دغه غږیزه ژباړه کې یوې سوېډنۍ چې په سوېډنۍ او یوه امریکايی چې په انګلیسي ژبه یې خبرې کولې، له یوه او بل سره وغږېدل.

غوږیو د سوېډنۍ خبرې یې په انګلیسي او د امریکايي خبرې یې په سوېدنۍ ژبه وژباړلې.

پر دې سربېره ګوګل د ( پکسل فون ۲) او (پکسل ۲ ایکس ایل) بازار ته د وړاندې کولو خبره هم وکړه چې په خبره یې تر ټولو ځیرکو موبایلونو غوره کامره پکې ځای پر ځای شوې ده.

تر دې وړاندې هم داسې کاریالونه جوړ شوي چې له یوې ژبې و بلې ته ژباړه وکړي، خو دا لومړی ځل دی چې د ټیکنالوژۍ یوه ستره کمپنۍ د ژباړې په برخه کې ورته پرمختللې اله پنځوي.

دا غوږي له ګوګل ژباړن سره تر وصلېدو وروسته کار کوي.

د انځور حقوق Google

کارونه یې داسې ده چې کارن به یې د ځانګړې ټنۍ تر کېکاږلو وروسته ووايي: "د المانۍ ژبې ژباړن ته اړتیا ده. "

ورپسې به په خپله ژبه خبرې وکړي او ګوګل ژباړن اړوند غوږي به یې په خپلکاره توګه په المانۍ ور وژباړي.

له دې ژباړنو غوږیو سره تر یوې اندازې پر نورو ژبو د پوهاوي ستونزه اوارېدای او د بېلابېلو ژبو ویونکو ته د خواله موکه زیاتېدای شي.

د دغو ژباړنو غوږیو بیه ۱۵۹ ډالر ټاکل شوې چې د نومبر په ۲۲مې به بازار ته وړاندې شي.

ورته مطالب