عراقي محکمې د کردستان ټولپوښتنې کمیسیون د مشر نیولو امر کړی

kurd د انځور حقوق AFP
Image caption یوه اونۍ وړاندې د سپتمبر پر ۲۵مه په عراق کې عالي محکمې ټولپوښتنه له اساسي قانون سره په ټکر کې بللې وه او د مخنیوي امر یې کړی و.

د عراق یوې محکمې د کوردستان د خپلواکۍ د ټولپوښتنې اړوند کمیسیون د مشر نیولو امر کړی. کوردستان له عراقه د خپلواکۍ د اخیستو په پلوۍ رایه ورکړه.

د عالي قضايي ارګان ویاند قاضي عبدالستار بیرقدار په یوه خبرپاڼه کې ویلي، د رصافه محکمې محکمې د ټولپوښتنې د کمیسیون د مشر او غړو د نیولو امر کړی دی.

فرانس پرېس خبري اژانس وايي، د نیولو په امر کې د کمیسیون د مشر هندرین صالح او دوو نورو غړو نیول هم راغلي.

بیرقدار ویلي، د ملي امنیت شورا د شکایت له مخې شوی، چې مشري یې د عراق لومړی وزیر حیدرالعبادي کوي.

دوی وايي، ټولپوښتنه د محکمې د پرېکړې خلاف ترسره شوې ده.

امریکا: د کوردستان ټولپوښتنې پایلې نه منو

د کوردستان ټولپوښتنه: د رايو شمېرل پيل شول

تر اوسه د کوردستان حکومت د محکمې پر دغه حکم کوم غبرګون نه دی ښودلی.

یوه اونۍ وړاندې د سپتمبر پر ۲۵مه په عراق کې عالي محکمې ټولپوښتنه له اساسي قانون سره په ټکر کې بللې وه او د مخنیوي امر یې کړی و.

خو د کردستان حکومت ویلي وو، ټولپوښتنه چې ۹۲ سلنه ګډونوالو له عراقه د بېلتون په پلوۍ پکې رایه ورکړې وه، یو "قانون" عمل دی.

په عراق کې کردان وايي د مور مېرې چلند ورسره کېږي او په ۱۹۹۱ کال د خلیج له جګړې وروسته ایله دوی یوه کورواکه اداره پیدا کړه.

په تېرو درو کلونو کې کردان په عراق او سوریه کې د "اسلامي دولت" (داعش) نومې ډلې ضد جګړه کې ښکېل شوي دي.

په دې وسیله کې د غږ اوريدل او ویډیو لیدنه شونې نه ده.
د عراق کوردستان کې د خپلواکۍ ټولپوښتنه

اړونده مطالب

ورته مطالب