سعودي کې لاهم د "ټرمپ لور" لټول کېږي

ایوانکا ټرمپ او ډونلډ ټرمپ د انځور حقوق Reuters

که څه هم سعودي عربستان ته د امریکا د ولسمشر ډونلډ ټرمپ او ورسره د هغه د مېرمنې او لور ایوانکا ټرمپ له سفر اوه میاشتې تېرې شوې، خو سعودي کې پر Google لټونګر لاهم د ایوانکا ټرمپ په اړه لټون روان دی.

په انګلیسي ژبه د احصائیې اړوند "ټرېنډز" د رپوټ پربنسټ، په سعودي کې "ایوانکا ټرمپ" پر لټون ماشین درېیم ډېر لټول شوی نوم دی.

ټرېنډز هغه توري او اصطلاحات تعقیبوي چې پر اڼټرنېټ د نړۍ په لروبر کې په بېلابېلو ژبو تر نورو تورو ډېر کارول شوي وي.

د امریکا ولسمشر ډونلډ ټرمپ، مېرمنې او لور یې ایوانکا ټرمپ د روان کال په مې میاشت کې سعودي عربستان ته سفر وکړ.

ایوانکا ټرمپ: سعودي کې ښځو ته د موټر چلولو اجازه تاریخي ده

ملانیا او ایوانکا ټرمپ سعودي نه، واتیکان کې حجاب وکړ

د ایوانکا ټرمپ له تولیداتو سره پرېکون

هغه مهال پر ټویټر د "ټرمپ لور" هشټګ ډېر لاس په لاس شو او په یوه ورځ کې ټوله نړۍ کې ډېر کارول شوی هشټګ وګڼل شو.

ګڼو ټویټر کارنو د ایوانکا ټرمپ "ښکلا" هشټګ کارولی و او ان ځینو بیا په هماغه هشټګ کې له هغې سره د واده کولو غوښتنې هم کړې وې.

د انځور حقوق Google Trends

خو ایوانکا ټرمپ مېړه لري.

دا ډول هشټګ د ګڼو سعودي مېرمنو غوسه پارولې وه، چې په وینا یې سعودي ته د ایوانکا سفر ګڼو سعودیانو ته "وسوسه" پیدا کړې وه.

د انځور حقوق Getty Images
Image caption په کاتولیک کلیسا کې تور رنګ د تقوا، پرهېز، نرمۍ او تواضع ښکارندوی ګڼل کېږي
د انځور حقوق EPA
Image caption سپینې ماڼۍ وايي، واتیکان ورته واردمخه د پوښاک پروتوکل په اړه معلومات ور کړي وو

ورته مطالب