د امریکا ښوونځي ډزو پېښې قربانیانو ته درناوی
په دې وسیله کې د غږ اوريدل او ویډیو لیدنه شونې نه ده.

د امریکا ښوونځي ډزو پېښې قربانیانو ته درناوی

امريکا کې د ښوونځي ډزو پېښه کې د قربانيانو ياد لپاره د شمعو بلولو درناوی، خو د وسلو لا سخت کنټرول غوښتنو پر وړاندې به غوږونه بيا هم کاڼه پاتې شي؟

د امريکا فلورېډا کې د هغو خلکو په ياد د درناوي شمعې بلې شوې وې، چې وړمه ورځ يوه ښوونځي کې د ډزو پېښه کې وژل شوي وو.

دې مراسمو کې د ټوپکو او وسلو لرلو پر وړاندې شعارونه ورکول کېدل، او هم د وسلو په اړه د لا سخت قانون پلی کولو غوښتنه کېده.

پر کانګرېس هم غږ شوی، چې يو ځل بيا دې د وسلو کنټرولو پر چاره بيا غور وکړي.

خو ولسمشر ټرمپ بيا تر دې مهاله د دې مسئلې له يادولو ډډه کړې، او يوازې يې د ښوونځيو خونديتابه تدبيرونو زياتولو خبره کړې ده.