ایران کې د لوېدلې الوتکې ټول ۶۶ سپاره وژل شوي

ایران د انځور حقوق EPA

د ایران بېړنیو چارو چارواکو د یوې مسافر وړونکې الوتکې د لوېدو خبر ورکړی. دغه الوتکه له تهرانه یاسوج ته روانه وه.

د ایران خبري اژانس (ایرنا) د ایران اورژانس د چارسمبالي پیر حسین کولیوند له خولې ویلي، په الوتکه کې شاوخوا ۶۰ کسان سپاره وو.

ایسنا خبري اژانس بیا ویلي، الوتکه کې شپږ عمله هم وه.

الوتکه د تهران له مهراباد هوايي ډګره یاسوچ ته روانه وه، چې د اصفهان ښار جنوب کې ولوېده.

تسنیم خبري اژانس د اورژانس د ویاند له خولې ویلي: "سیمې ته ژغورندویه الوتکه استول شوې، خو دا چې سیمه غرنۍ ده، امبولانسونه نه شي ورتلی."

الوتکه د رادار له څاره ترۍ تم شوې وه. یاده اې ټي ار ډوله الوتکه د ایران آسمان شرکت اړوند ده.

د انځور حقوق KONSTANTIN VON WEDELSTAEDT
Image caption الوتکه د ایران آسمان هوايي شرکت اړوند ده

د روسۍ الوتکې رالوېدو کې ۷۱ سپرلۍ وژل شوي

د امریکا پوځي الوتکه له سپرلیو سره سمندر کې لوېدلې

یاسوچ هوايي ډګر کې د وژل شویو کسانو خپلوان راغونډ شوي

تر اوسه د الوتکې د لوېدو لامل نه دی په ډاګه شوی.

د اصفهان هوايي ډګرونو ادارې د عمومي اړیکو مشر ویلي، تر اوسه د الوتکې د لوېدو د څرنګوالي په اړه هېڅ معلومات نه شته.

د الوتکو لوېدو سترې پېښې، تېرو پنځو کلونو کې

د ایران د هوايي چلند سازمان مشر علي عابدزاده ویلي، الوتکې هېڅ تخنیکي ستونزه نه لرله.

دا الوتکه په ۱۹۹۳ کال جوړه شوې وه.

د پېښې سیمې ته ۱۲۰ مرستندویان استول شوي

د مرستندویې ډلې یوه چارواکي او د هلال احمر ژغورنې ډلې ویلي، د الوتکې لوېدو سیمې ته یې ۱۲۰ مرستندویان په ۳۰ ډلو کې استولي.

ورته مطالب