سوري مېرمنو "د مرستو په بدل کې جنسي ځورونه لیدلې"

. د انځور حقوق Getty Images

بي بي سي موندلې چې د ملګرو ملتونو او نورو خیریه بنسټونو مرسته رسوونکو سوریه کې د مرستې پرمهال سوري ښځې له جنسي اړخه ځورولې دي،

مرستندویانو ویلي دغو کسانو ښځو ته د خوړو او نورو مرستو په بدله کې له ښځو جنسي غوښتنې کړي.

درې کاله وړاندې هم په دې اړه ګواښونه ورکړل شوي وو، خو نوې څېړنې ښيي چې اوس هم د سوریې په سویل کې له ښځو ناوړه جنسي ګټه اخیستل کېږي.

د ملګرو ملتونو اړوند بنسټونه او نور مرستندوی خیریه بنستونه وايي داسې کړنې د زغملو نه دي او هېڅکله به ترې تېر نه شي. هغوی وايي په سوریه کې د دې سازمان کړنو چې ګواکې د مرستې په مقابل کې له ښځو جنسي غوښتنې کېږي، خبر نه دي.

مرسته رسوونکو بي بی سي ته ویلي، له ښځو د ناوړه ګټې اخيستو کړنې دومره ډېرې دي چې اوس سوري ښځې له مرستې اخیستو ډډه کولو ته اړایستل شوې. هغوی فکر کوي دا مرستې د دې لپاره کیږي چې له ښځو جنسي ګټه اخیستل کېږي.

یوه مرستندوی ادعا کړې، چې یوشمېر مرستندویه بنسټونه له ښځو د ناوړه جنسي ګټې اخيستنې له کړنو سترګې پټوي. همدارز ځايي چارواکي هم له دوی سره په دې ډول کړنو کې ښکېل ګڼي.

د سوريې په لرې پرتو سیمو کې د نړیوالو بنسټونو لاسرسئی ډېره ګران او ناشونی دی او که ځايي خلک له مرستې رسولو ډډه وکړي، ښايي انساني کړکېچ رامنځ ته شي.

امنیت شورا په سوریه کې د اوربند پرېکړه لیک تصویب کړ

اسراییل سوریه کې "۳۰" کلونو کې تر ټولو لوی برید وکړ

لوېدیځې ښځې ولې "اسلامي دولت" ډلې سره یوځای کیږي؟

د ملګرو ملتونو د سیمې د جنسیتي تاوتریخوالي په اړه د تېر کال ټولپوښتنې پایلې ښيي، چې د سوریې په څو سیمو کې د مرستو په مقابل کې له ښځو جنسي غوښتنې شوي.

د لومړي ځل لپاره د سوري ښځو د ناوړه ګټې اخیستنې بحث د ۲۰۱۵ کال په مارچ میاشت کې په اردون کې د بې ځایه شویو په کمپ کې رامنځ ته شو.

یوې مرسته کوونکې دانیلا سپنسر، هم له یوه ډله سوري ښځو له خولو اورېدلي چې په سوریه کې له ښځو سره د مرستې په مقابل کې زیاتی کېږي.

د انځور حقوق .
Image caption دانییل سپنسر ویلي: "پر ښځو او نحونو جنسي له پامه غورځول شوي. دا کار له تېرو اوو کلونو راهیسې روان دی".

یوشمېر دغو ښځو په خپله تجربه کړې او یو شمیر نورو یې په اړه اورېدلي.

د ۲۰۱۵ کال په جنورۍ کې د ملګرو ملتونو د ژغورنې کمیتې په قنیطره کې له ۱۹۰ ښځو او نجونو څېړنه وکړه. ۴۰ سلنو ویلي وو ډېری د جنسي ځورونو پېښې له هغوی سره د مرستې د ورکړې په وخت کې شوي.

دا څېړنه د ملګرو ملتونو او نورو خیریه بنسټونو په واک کې وه چې د هغوی په وینا یو شمېر بنسټونو په خپلو سیستومونو کې بدلونونه راوستلي دي.

ورته مطالب