د څارویو پټولو نوې لار

د انځور حقوق Bukhara police

ازبکستان کې پولیسو د څارویو پټولو داسې دوه غله لاس په لاس نیولي چې په ګرانبیه ګاډي کې یې غوا لېږدوله.

بخارا کې چارواکو نیوز نامې وېبپاڼې ته ویلي، چې هلته ځايي خلک د خپلې غوا او ګډې یا پسه پسې ګرځېدلو ګرځېدلو کې پر دوو کسانو شکمن شول

پولیس وايي، دغه شکمن کسان پخپله غله وو، چې د ځان نه رسوا کېدو لپاره یې غلا کړي پسونه، نور څاروي او ان غواوې په شخصي موټر کې لېږدول.

د شیورلیټ مالیبو په نوم دا امریکايي موټر ازبکستان کې ډېر مشهور دي.

* ډیلي کې د غلو پېغلو ډلې

* د غلا نارنج له موټرو بهر راووتل

* د خرو په مرسته د ګران بیه موټر غلا

ازبکستان کې د جي اېم موټرز له خوا جوړ شوي دا تر ټولو ګران بیه ګاډي دي او بیه یې ۳۰ زره ډالره ده، چې هلته د یوه کس له میاشتني عاید سل چنده ډېره ده.

پلټنې وايي، چې د امنیو په نوم دا کس د بخارا اوسېدونکی دی او د خپل تره زوی او مېرمنې په مرسته یې څاروي پټول.

چارواکي وايي، دا کس یې پخوا هم نیولی او سزا یې ور کړې وه.

د انځور حقوق BUKHARA POLICE

پولیسو د نوموړي د کور غوجل تلاشي کړې او مېږې او وزې یې هم موندلې دي.

په دغه ګرانبیه ګاډي کې د څارويو غلا کولو ته خواله رسنیو کې ډېر پام ور اوښتی دی.

یوه فیسبوک کارن لیکلي: لږ تر لږه غوا خو په دې موټر کې ښه ښکاري.

بل لیکلي: په مالیبو موټر کې د ناوې په څېر ښکاري.