د سپي او پیشو مینې خلک حیران کړي

د انځور حقوق CYNTHIA BENNETT

سپی او پیشو (هېنري او بلو) ښه ملګري دي.

دوی ډېرې ګډې ځانګړنې لري، هغوی دواړه بې کوره وو، دواړه ژغورل شوي دي او اوس دواړه یو له بل سره په ډېره مینه ژوند کوي.

هغه څه چې د دوی ستایونکو ته ډېر په زړه پورې دي، هغه دا چې دا سپی او پیشو په ډيره مینه یو ځای سره اوسي.

د انځور حقوق CYNTHIA BENNETT

هغه اینستاګرام وېبپاڼه په لکونو څارن لري چې د دوی انځورونه پر خپرېږي.

د دوی څېښتن او مېرمن اندرې سبلسکي او سینتیا بینیټ ته د دغه سپي او پیشو شهرت افسانوي شوی دی.

دا جوړه تل پلی مزل کوي، یوه ورځ يې یو سپی د ژغورنې مرکز کې موندلی او کور ته یې را وړی.

د انځور حقوق CYNTHIA BENNETT

سینتیا وايي کله چې سپي ته نږدې شوه، نو هغه ور ته راغی.

اندرې وايي، دوی پوه شول چې کور ته ور سره تلل غواړي.

"ما داسې فکر کاوه چې موږ یې خوښ کړي یو."

د انځور حقوق CYNTHIA BENNETT

کال وروسته سینتیا وپوهېدله چې د هېنري ډېر انځورونه یې پر خواله رسنیو خپاره کړي، ځکه یې بیا ده ته ځانګړی ګڼون یا ایکاونټ جوړ کړ.

په دریو کلونو کې د هغه دغه ګڼون دېرش زره څارن موندلي او شمېر یې هغه وخت زیات شو چې بلو یې ومونده.

د انځور حقوق CYNTHIA BENNETT

سینتیا وايي، کله به چې دوی کور نه و، هېنري به ډېر خپه وه

"نه به یې څه خوړل او نه څښل، ځکه مو ده ته د ملګري پیدا کولو هڅه وکړه. "

له میاشتو میاشتو هڅو وروسته د هېنري په څېر بلو هم ژغورندویه مرکز کې پیدا کوي.

د انځور حقوق CYNTHIA BENNETT

کله چې دواړه سره ویني سملاسي ملګري کېږي.

اندرې وايي، که غواړي بلو ارامه کېني، نو د هېنري سره نږدې یې کېنوي او هغه مهال ډېره ارامه ویدېږي هم.

سینتیا وايي بلو فکر کوي چې هېنري یې مور ده.

"بلو فکر کوي چې خپله هم سپی دی."

د انځور حقوق CYNTHIA BENNETT

د هغې په خبره، که بهر کوم سپی وګوري، سملاسي منډې وهي او ځان هېنري ته رسوي:

"خو که پشه وویني داسې ښيي چې څه یې لیدلي نه دي."

خواله رسنو کې د هېنري او بلو هغه انځورونه ډېر خپاره شوي چې بلو یې پر سر کېنولې یا ور سره منډې وهي.

د انځور حقوق CYNTHIA BENNETT

سینتیا وايي، د دغو ژویو له برکته دوی ډېر مشهور شوي او دې چارې د دوی کورنۍ حیرانه کړې ده.

پیشو او سپی د اندرې او سینتیا خوشالي هم ډېره کړې ده.

د انځور حقوق CYNTHIA BENNETT