د اسیا ادبي جایزه د 'درې خویندې' ناول ته ورکړل شوه

بي فې یو Bee Fay-Yu
Image caption د دې جایزې ګټونکي ته د ۳۰ زرو ډالره نغدي جایزه هم ورکول کېږي چې دا ځل ښاغلي بي خپله کړه .

د اسیا تر ټولو ستره ادبي جایزه هغې کیسې ته ورکړل شوې په چین کې له کلتوري انقلاب وروسته ژوند په کې انځور شوی دی.

د ښاغلي بي في یو د ''درې خویندو ناول'' په وړاندې دغې سیالي ته له جاپان او هند څخه هم کتابونه وړاندې شوې و، خو د سړو په برخه کې د آسیا د ادبیاتو جایزه د نوموړي د دریو خویندو ناول وګټله.

په دې اړه د بي بي سي د خبریال وین سینت رپوټ ولولئ:

بي فې یو Bee Fay-Yu چې د خپل ناول، (دریو خویندو ) نوم یې له انتون چیخوف څخه په الهام اخیستو اېښې، د سړو په برخه کې د اسیا د ادبیاتو جایزه وګتله.

په دې کیسه کې د چین په یوه کلیواله سیمه کې له کلتوري انقلاب وروسته درې خویندې د خلکو د ژوندانه بدلو ته مټې رانغاړي .

کیسه دا په ډاګه کوي چې که څه هم چین له اقتصادي پلوه د نړۍ تر ټولو ستر ځواک بلل کېږي، خو د ژوندانه ځینې لارې چارې یې له سره بدلې شوې نه دي په ځانګړې توګه د ټیټې کچې په کورنیو کې د ښځو حالت.

سم دم هغه شان چې د چیخوف په مشهوره ننداره ''د خویندو خوب'' کې چې د یوه خوښ ښاري ژوند انځور ورکړل شوی دی .

کله چې د نوموړي دا کتاب راڅرګند شو ګڼو کتونکو وویل:'' دا په ریښتیا چې یوه غم لړلې کیسه ده چې په ټوکو ټکالو کې نغښتل شوې او انځور شوې ده . ''

سره له دې چې د ښاغلي بي د دغې ناول پر وړاندې دوه کتابه له جاپان او دوه نور له هند څخه هم سیالۍ ته وړاندې شوي و، خو جایزه د ده ناول وګټله .

دغه جایزه هغو لیکوالو ته ورکول کیږي چې په انګریزي ژبه لیکنې کوي او یا یې هم لیکنې انګریزی ته ژباړل کېږي.

د دې جایزې ګټونکي ته د ۳۰ زرو ډالره نغدي جایزه هم ورکول کېږي چې دا ځل ښاغلي بي خپله کړه .

ورته مطالب