د هند په يوه روغتون کې اور ۸۹ کسان ووژل

هند د انځور حقوق Reuters
Image caption د اوروژنې ډلې د اور وژلو، د مړو او سوځېدلو کسانو په رایستلو پنځه ساعته لګیا وې.

د هندوستان ختيځ ښار کلکتې په یوه روغتون کې د اور لګېدو له کبله لږترلږه ۸۹ کسان وژل شوي دي.

راپورونه وايي ګڼ وژل شوي ناروغان وو، چې د اور په لوګي او لمبو کې راګیر شول.

د ''امري'' په نامه ددغه روغتون مرستیال مشر ایس ابادهایای په لومړي سر کې په اور کې د لږترلږه ۷۰ کسانو د وژل کېدو خبر ورکړی او وايي چې ۹۰ ناروغان ژغورل شوي دي.

نوموړی زیاتوي، د اور لګېدو لامل لا نه دی روښانه شوی.

دغه اور د تېرې جمعې ورځې پر ګهيځ کې بل شو، خو وايي چې په اړه یې پلټنې پیل کړې دي.

د هند په ختيځ کې د لوېديځ بنګال حکومت یوې چارواکې ماماتا پاندرجي ویلي د سوځېدلو کسانو روغتیايي حالت د اندېښنې وړ بللی دی.

راپورونه وايي لږترلږه ۴۰ ناروغان د اور په لمبو کې د روغتون د ننه ایسار پاتې شول.

چارواکو ویلي چې اور د روغتون له تکاو راپورته شو.

د اوروژنې ډلې د اور وژلو، د مړو او سوځېدلو کسانو په رایستلو پنځه ساعته لګیا وې.

ورته مطالب