ترکيې د پوځي مشر په گډون گڼ کسان نيولي

جنرال بشبو
Image caption جنرال بشبو تير کال تقاعد وکړ

جنرال بشبو چې تيرکال د ترکيې د پياوړي پوځ له مشرتوب نه تقاعد وکړ، له اوږدې مودې راهيسې د لومړي وزير طيب اوردوغان د منځ لارې حکومت منتقد وو.

خو نيول کيده او بندي کيده يې ډير کسان هيښ کړي دي.

ترنيول کيدو دمخه له هغه نه څو ساعته پوښتنې گروېږنې وشوې. هغه د يوې ترهگرې ډلې چې د حکومت د پرځولو پلان يې درلود، پر مشرۍ تورن دى.

خو د رپوټونو ترمخه ده دغه تورونه رد کړي دي.

دغه ادعاوې د يوې توندلارې ملتپالې ډلې له لورې د حکومت د پرځولو پر ادعا شوې دسيسې له درې کلنو پلټنو راوتلي دي.

د دغو پلټنو په پايله کې په سلگونو کسان نيول شوي چې په دې ډله کې د ترکيې د پوځ ٥٨ جنرلان او اميرالبحران پړۀ بلل شوي دي.

پوهان ، روڼ آندې او خبريالان هم په نيول شويو کسانو کې شامل دي.

جنرال بشبو له هغه څو ساعته وروسته ونيول شو چې په يوه محکمه کې يې دهغو خبريالانو په اړه شواهد وړاندې کړل چې د ايرگينکون ډلې لپاره د ويپاڼې پربرابرولو تورن دي.

ورته مطالب