د نړۍ تر ټولو ټيت سړی په نیپال کې دی

چندر بهادر ډانګي

چندر بهادر ډانګي وايي چې په ټول عمر کې نه دی ناروغه شوی.

د نړۍ د ریکارډونو د ثبت د کتاب ګنیز ډاکټرانو یوې ډلې په نیپال کې یو سړی د نړۍ تر ټولو د ټيټې ونې انسان ثبت کړی دی.

۷۲ کلن چندر بهادر ډانګي لوړوالی یوویشت اعشاریه پنځه انچه دی.

دغه د ټیتې ونې سړي خبریالانو ته وویل: ((زه ډېر خوشاله یم، زه د نړۍ د بېلابېلو هېوادونو لیدل غواړم.))

چندر بهادر ډانګي د نیپال له پلازمېنې کتماندو نژدې څلور سوه کیلومتره لیرې په یوه کلي کې له خپلې کورنۍ سره اوسېږي.

نوموړی پنځه وروڼه لري، چې ټول یې د عادي انسانانو ونې لري.

د هغه کورنۍ ویلي، چې په ټول عمر کې نه دی ناروغه شوی.

د ګنیز د ډاکټرانو ډلې هم ویلي چې ډانګي هېڅ کومه ناروغي نه لري.

له ډانګي مخکې د فلپین یوه سړي د نړۍ د ټيټې ونې سړي ریکاټ مات کړی وو.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .