امریکا د حزب الله ۱۵۰ میلیون ډالر ضبط کړل

د خپريدو وخت: 04:58 گرینویچ - سه شنبه 21 اگست 2012 - 31 زمری 1391
حزب الله جنګیالي

امریکا حزب الله شیعه ډله د ترهګرو ډلو په لېست کې راوستلې ده.

امریکا ویلي چې د لبنان په یوه بانک کې یې د حزب الله ډلې ۱۵۰ میلیون ډالر د پیسو د سپینولو په خاطر ضبط کړي دي.

د خزانې وزارت ویلي چې د ۲۰۱۱ په فبرورۍ کې د لبنان کنډي بانک ویلي وو چې د پیسو د سپینولو په اړه لویه اندېښنه لري.

په نیویارک کې لوی څارنوال ویلي چې دغه لبناني بانک د نشه یي توکو او نورو نامشروع لارو د پیسو د سپینولو په چاره کې مرسته کړې ده.

دی زیاتوي بانک دویمه لاس ګاډي رانیولوي او په لوېديځه افریقا کې یې په داسې توګه پلورلي، چې ګټه یې ټوله د حزب الله جیب ته ورغلې ده.

ددغه بانک د حزب الله ډلې پیسې په پنځو امریکايي بانکونو کې اېښودل شوې وې، چې (سيټي بانک، او د لندن سټنډرډ چارټرډ) هم په کې راځي.

خو دغو یوه بانک ته هم د تور ګوته نه ده نیول شوې.

بل خوا، حزب الله پرې دا ډول تور تورونه رد کړي دي.

امریکايي چارواکو ویلي چې د ۲۰۰۷ د جنورۍ او د ۲۰۱۱ تر لومړیو پورې د لبنان سوسیټي جنرال بانک څخه شاوخوا ۳۲۹ میلیون ډالر امریکايي بانکونو او مؤسسو ته لېږدول شوي دي.

امریکا حزب الله شیعه ډله د ترهګرو ډلو په لېست کې راوستلې ده.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .