هوګو چاویز بیا د ونزویلا ولسمشر شو

د خپريدو وخت: 06:34 گرینویچ - دوشنبه 08 اکتوبر 2012 - 17 تله 1391
هوګو چاویز

هوګو چاویز تېر کال د سرطان ناروغۍ له کبله بستر شوی و، خو اوس وايي چې له دې ناروغۍ جوړ شوی دی.

د ونزویلا ولسمشر هوګو چاویز د څلورم ځل لپاره د ولسمشرۍ ټاکنې وګټلې.

نوموړی د رای اچوونکو ۵۴ سلنه رایې وګټلې، په داسې حال کې چې د هغه ۴۰ کلن سیال انریکیه کاپریلس ۴۴ اعشاریه ۹۷ سلنه رایې خپلې کړې.

د ټاکنو ملي کمیسیون د ټاکنو پایلې اعلان کړې.

هوګو چاویز به د شپږو نورو کلونو لپاره د ونزویلا ولسمشر وي، چې تر دې مخکې له څوارلس کاله ددغه هېواد ولسمشر پاتې شوی دی.

د ټاکنو ملي کمسیسون ویلي چې د ټاکنو د تېرې ورځې بهیر په ارامۍ سره بشپړ شو.

هوګو چاویز هڅه کوله، چې د کمونیزم د پاڅون په نامه خپله تګلاره پخپل هېواد کې جاري وساتي.

په تېلو دغه بډایه هېواد د نړۍ له ګڼو هېوادونو سره سوداګریز تړونونه لري.

هوګو چاویز تېر کال د سرطان ناروغۍ له کبله بستر شوی و، خو اوس وايي چې له دې ناروغۍ جوړ شوی دی.

د دغو ټاکنو د خونديتوب لپاره ۱۴۰۰۰۰ امنيتي ځواکونه د راى ورکولو په ۱۰۰۰۰حوزو کې گمارل شوي وو.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .