مډونا د سوات ملاله وستايله

د خپريدو وخت: 14:10 گرینویچ - شنبه‬ 13 اکتوبر 2012 - 22 تله 1391

ماډونا يوه سندره ۱۴ کلنۍ ملالې ته ډالۍ کړه.

د امريکا يوې وتلې سندرغاړې ماډونا په لاس انجلس کې په يو کنسرټ کې د سوات د ملالې يوسفزۍ ستاېنه کړې چې د طالب اورپکو په يوه بريد کې ټپي شوې ده.

ماډونا يوه سندره ۱۴ کلنۍ ملالې ته ډالۍ کړه.

امريکايۍ وېبپاڼې هالي ووډ رپورټر ويلي، مډونا وويل: "کله چې يې پر ملالې د بريد وا ورېدل نو و يې ژړل".

د "هيومن نېچر" په نوم د سندرۍ ويلو وړاندې ماډونا وويل: " ملالې دا سندره ستا لپاره ده.

مډونا په خپل بدن هم د "ملاله" نوم ليکلى و.

وېبپاڼه وايي مډونا مينه والو ته وويل "پوهېږى چې پر ملالې برېد څومره ناولى کار دى؟"

له سندرۍ وروسته ٥٤ کلنې مډونا په ځغرده وويل: " د تعليم ملاتړ وکړئ، د ښځو ملاتړ وکړئ."

مينه والو هم ورته ډېر په ولولو ځواب ورکړ.

مډونا پخوا هم په دې ډول موضوگانو خپل احساسات څرگند کړي دي.

ويل کيږي چې د کنسرت وروسته د مډونا خبرو پر خلکو دومره اغېز کړی و چې د خوالۀ رسنیو باندې يې خپل احساست شریک کړل.

ملاله يوسفزۍ د سې شنبې ورځ (اکتوبر/نهمه) د وسله والو په ډزو کې ټپي شوه او تحريک طالبان پاکستان يې پړه پر غاړه واخیسته.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .