م م:سوریه کې د بهرنیو سخت دریځو شتون خطرناک دی

د خپريدو وخت: 05:06 گرینویچ - چارشنبه 17 اکتوبر 2012 - 26 تله 1391

په سوریه کې د لانجې له پیل نه د سخت دریځو بهرنیو وسله والو د شتون په اړه رپوټونه ورکول کیږي.

سوریه کې د ملګرو ملتو د بشري حقونو د څارنې یو کمیسیون، وايي چې په دغه هېواد کې د حکومتي ځواکونو او مخالفینو تر منځ په جګړه کې د بهرنیو اسلامي سخت دریځو رول خطرناکه بڼه خپلوي.

د کمیسیون مرکزي تحقیق کونکی پاولو سرجیو پنهیرو وايي، د سلهاوو اسلامي سخت دریځو شتون په ځانګړي ډول خطرناک دی.

په سوریه کې د لانجې له پیل نه د دغه ډول کسانو د شتون په اړه رپوټونه ورکول کیږي.

د ملګرو ملتو د رپوټ وړاندې کولو پر مهال پنهیرو وویل، چې په سوریه کې فرقه ییز تاو تریخوالی ډېر شوی دی او په دې لړ کې د بهرنیو سخت دریځو رول مهم دی.

د نوموړي په خبره که څه هم دغه سخت دریځي کوم پیاوړی پوځ نه دی، خو دوی په جګړه کې د ولسواکۍ او یا ازادۍ لپاره د جګړې کولو پر ځای د خپلو خاصو هدفونو لپاره جګړه کوي.

سوریه له څه مودې راهیسې په دغه هېواد کې د روان تشدد پړه په ترهګرو ډلو اچوي، چې له بهرڅخه ملا تړ تر لاسه کوي.

د سوریې لپاره د ملګرو ملتو او عرب لیګ استازي اخضر ابراهیمي تېره میاشت ویلي و، چې د سوریې د حکومت له اټکل سره سم په دغه هېواد کې زرهاوو بهرني جنګیالي موجود دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .