د اسرائیلو هوايي برید د حماس پوځي مشر وواژه

د خپريدو وخت: 15:35 گرینویچ - چارشنبه 14 نومبر 2012 - 24 لړم 1391

جباري یو له هغو کسانو څخه و چې د اسراييلي او فسلطیني بندیانو د تبادلې مشر يې په غاړه وه.

حماس وايي د اسرائیلو په هوايي برید کې یې د پوځي څانګې مشر وژل شوی دی.

اسرائیل وايي احمد الجعبري یې ځکه په نښه کړی چې د دوی په وینا يې د لسيزو ترهګریزو کړو وړو کې لاس درلود.

له څلورو کلونو وروسته دا د حماس لومړی لوړ پوړ چارواکی دی چې د اسراییلو له خوا پرغزې برید وژل کېږي.

عیني شاهدان وايي جباري غزه ښار کې په خپل ګاډي کې روان و چې برید پرې وشو. په رپوټونو کې دا هم ويل شوي چې مرستیال یې هم په دغه برید کې وژل شوی او د زوی د مرګ خبره یې هم شوې ده.

د اسرائیلو استخباراتي ادارې شین بیټ په یوه اعلامیه کې ویلي جباري د اسرائیلو پر ضد بریدونو او پوځي عملیاتو لپاره مالي مرستو سمبالونې مسول و.

اعلاميه کې زياته شوې د ده له منځه وړل د حماس چارواکيو لپاره یو پيغام دی که د اسرایيلو پر ضد ترهګر روزي همداسې به دردېږي.

غزه کې د بي بي سي خبریال وايي په لارو کوڅو کې د ډزو اوازونه اورېدل کېږي. دی وايي ښار کې خلک ډېر په غوسه دي او د دې وېره شته چې دغه برید په یو ستر تاوتریخوالي بدل شي.

د جباري له وژلو وروسته اسرایيلو پر غزه نور هوايي بریدونه هم کړي دي.

جباري یو له هغو کسانو څخه و چې د اسراييلي او فسلطیني بندیانو د تبادلې مشر يې په غاړه وه.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .