منېشا کوایرالا روغتون کې بستر شوې

د خپريدو وخت: 05:58 گرینویچ - شنبه‬ 01 ډسمبر 2012 - 11 لیندۍ 1391

انډین ایکسپریس ورځپاڼې لیکلي، چې منېشا د سرطان ناروغۍ له امله په روغتون کې بستر شوې.

د هندي فلمونو مشهوره لوبغاړې منیشا کوایرالا د ناروغۍ له امله د ممبۍ په یوه روغتون کې بستر شوې.

په یو شمېر رپوټونو کې ویل شوي، چې منېشا د سرطان په ناروغۍ اخته ده، خو د نوموړې کورنۍ او یا د روغتون مسوولینو لا هم دغه خبر نه دی تصدیق کړی.

د پي ټي ای خبري اژانس په رپوټ کې د جسلوک روغتون د ویاند له قوله ویل شوي، چې منېشا د چهار شنبې په ورځ په روغتون کې بستر شوې.

نوموړي ویاند وویل، چې د هغې طبي معاینات کېږي او هغه به تر څو ورځو پورې په روغتون کې وي.

انډین ایکسپریس ورځپاڼې لیکلي، چې منېشا د سرطان په ناروغۍ اخته ده او له همدې امله په روغتون کې بستر شوې.

۴۲ کلنه منېشا کوایراله د هندوستان د ګاونډي هېواد نیپال د یوې نامتو سیاسي کورنۍ اړوند ده او د هندي تر څنګ یې د یو شمېر نورو هندوستاني ژبو په فلمونو کې هم رول لوبولی.

نوموړي له هندي فلم( سوداګر) څخه هندي فلمي نړۍ ته ننوته. د ونود چوپړا په هندي فلم( ۱۹۴۲ ا لو سټوري) کې د نوموړې د رول ډېره ستاینه وشوه.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .