بلوچستان کې نامعلومو برید ګرو ۱۱ کسان وژلي

د خپريدو وخت: 06:56 گرینویچ - شنبه‬ 22 ډسمبر 2012 - 02 مرغومی 1391

د چارواکو په وینا وژل شوي کسان د پنجاب او بلوچستان ایالتونو اوسیدونکي وو، چې قاچاق کوونکو په غیر قانوني توګه ایران ته لېږدول.

د بلوچستان په ګوادر سیمه کې د سخت دریځو په یوه برید کې هغه ۱۱ کسان وژل شوي، چې په غیر قانوني توګه ایران ته روان وو.

د مکران سیمې ځايي چارواکو بي بي سي ته ویلي، چې ۱۱ کسان د سخت دریځو په ادعا شوي برید کې وژل شوي دي.

د چارواکو په وینا وژل شوي کسان د پنجاب او بلوچستان ایالتونو اوسیدونکي وو، چې قاچاق کوونکو په غیر قانوني توګه ایران ته لېږدول.

د دې سیمې له لارې یو شمېر بدرګه کوونکي ایران ته کسان اړوي او بیا یې له هغه ځایه ترکي او یونان ته استوي.

"د چارواکو په وینا وژل شوي کسان د پنجاب او بلوچستان ایالتونو اوسیدونکي وو، چې قاچاق کوونکو په غیر قانوني توګه ایران ته لېږدول."

له دې مخکې د روان کال په جولای میاشت کې نامعلومو کسانو په ورته پېښه کې ۱۸ کسان وژلي وو، چې غوښتل يې په غیر قانوني توګه ایران ته لاړ شي.

هغه پېښه د بلوچستان په تربت سیمه کې وشوه. په هغه پېښه کې نامعلومو موټر سایکل سپرو کسانو د ایران پولې ته ۹۰ کیلو متره نژدې د هورشولي په سیمه کې د وژل شویو کسانو د سپرلۍ پر ګاډي ډزې وکړې.

ځايي چارواکي وايي د انسانانو قاچاق کوونکي لومړی ایران ته تلونکي کسان د ایران او پاکستان تر منځ د پولې سیمې مند ته لېږدوي یا هغه لارې کاروي، چې لږ تګ راتګ پرې کېږي، چې له امله یې دغه ډول پېښې رامنځ ته شوې. تر اوسه کومې ډلې د دې برید پړه نه ده منلې.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .