هیلري کلنټن بیا روغتون ته بېول شوې

د خپريدو وخت: 06:10 گرینویچ - دوشنبه 31 ډسمبر 2012 - 11 مرغومی 1391
کلنټن

کلنټن ویلي وو، چې لاهم کانګرس ته د توضیحاتو ورکولو هوډ لري.

د امريکا بهرنيو چارو وزيره هېلري کلنټن د وينې غوټه کېدو له امله په نيويارک کې روغتون ته بېول شوې ده.

د دسمبر په لومړيو کې مېرمن کلنټن د سر ګرځېدا او لوېدو له امله له يوه ټکان رنځېدلې وه.

په هغه وخت کې يې په اړه راپورونه ورکړل شوی وو، چې د معدې ويروس يې لاره او کمزورې شوې وه.

د وينې غوټه کېدنه د طبي کتنې پر مهال موندل شوې ده.

اوس مهال د دې وينې غوټه کېدو درملنه کېږي او راتلونکو ۴۸ ساعتونو لپاره به تر طبي څار لاندې وي.

د بهرنیو چارو وزارت یوه ویاند فلیپي رینس ویلي، د آغلې کلنټن معالج ډاکټران هڅه کوي، چې د وینې د غوټه کېدو ترڅنګ د هغې نورې ممکنه ناروغۍ هم ومومي.

امریکايي چارواکو د روانې دسمبر پر ۱۵مه ویلي وو، چې ۶۵ کلنه کلنټن د سر ګرځېدو له کبله روغتون ته یووړل شوه.

د همدې ناروغۍ له کبله کلنټن د یوه بهرني سفر لړۍ هم لغوه کړه.

ډاکټرانو ویلي وو، چې ګني روغتیايي ځالت یې ښه شوی دی.

خو د دسمبر پر ۲۰ آغلې کلنټن د کانګرس پروړاندې د ناروغۍ له کبله خپل ورتګ لغوه کړ.

په پام کې وه، چې د لېبیا په بنغازي ښار کې د امریکا پر کونسلګرۍ د تېر سپتمبر د بریدونو په اړه کانګرس ته توضیحات ورکړي.

په دغه برید کې لېبیا کې د امریکا سفیر او درې نور امریکایان ووژل شول.

کلنټن ویلي وو، چې لاهم کانګرس ته د توضیحاتو ورکولو هوډ لري.

د ۲۰۰۸ کال په ولسمشریزو ټاکنو کې آغلې کلنټن د اوباما پروړاندې په لږ توپیر شاته پاتې شوه.

د اوباما په اداره کې دغه جګپوړې مشره لاهم ګڼ امریکايي مینه وال لري.

اټکل دی، چې د امریکا په راتلونکو (۲۰۱۶) ولسمشریزو ټاکنو کې آغلې کلنټن بیا ځان کاندید کړي.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .