د سي ای اي پخوانی جاسوس په بند محکوم شو

د خپريدو وخت: 07:37 گرینویچ - شنبه‬ 26 جنوري 2013 - 07 سلواغه 1391

جان کریاکو منلې وه، چې یوه ژورنالست ته یې د سي ای اې د یوه پخواني پټ جاسوس نوم ښوولی و.

د امریکا د څارګرې ادارې سي ای اي یوه یو پخوانی کارکوونکی له دې امله په ۳۰ میاشتې بند محکوم شوی، چې د یوه جاسوس نوم یې په ډاګه کړی و.

۴۸ کلن جان کریاکو ۲۰۱۲ کال کې د استخباراتي قوانینو ماتولو د جرم اعتراف کړی و.

د دغه استخباراتي قانون له مخې د تېرو ۲۷ کلونو په موده کې هېچا ته سزا نه ده ورکړل شوې.

جان منلې وه، چې یوه ژورنالست ته یې د سي ای اې د یوه پخواني پټ جاسوس نوم ښوولی و. دغه پټ جاسوس له نیول شویو کسانو څخه د تحقیق کولو یا واټر بورډ‌نګ ټارچر( په اوبو کې د سر ډوبولو) په لړۍ کې شامل و.

د جان مدافع وکیلانو ویلي و، چې موکل یې غواړي هغه غیر قانوني فعالیتونه څرګند کړي، چې په یاده اداره کې تر سره کېږي.

خو سیمه ییزې قاضي لﺉوني برنیکما د دغه دریځ په ردولو وویل که واک یې درلودای، نو جان ته به یې له دې هم ډېره سزا ورکړې وه.

د یوه جوړ جاړي له مخې جان ته د ۳۰ میاشتو بند سزا ټاکل شوې وه.

دې لړ کې له هغه وروسته څېړنه پیل شوه، چې د یو شمېر شکمنو ترهګرو مدافع وکیلانو قانوني عریضه وړاندې کړه، چې په کې هغه تفصیل هم شامل و، چې حکومت نه و چمتو کړی.

د محکمې له ریکارډ سره سم دغه کړۍ تر جان پورې ورسېده.

د منصفه پلاوي په وینا جان د پټ جاسوس نوم یوه ژورنالست ته ویلي و، چې هغه بیا دغه نوم ګوانتانامو زندان کې د یوه بندي د وکیل لپاره څېړنه کوونکو ته وښود.

د هغه دریځ دا و، چې جون د شهرت تر لاسه کولو او خپل ټولنیز مقام د لوړولو لپاره د کورني خبر سودا کړې.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .