شاه رخ خان د بالیووډ د شتمنو په کتار کې

د خپريدو وخت: 11:07 گرینویچ - 27 جنوري 2013 - 08 سلواغه 1391

(فوریس) مجلې شاه رخ خان د بالیووډ د ډېرو شتمنو کسانو په کتار کې شمېرلی.

رپوټونو کې ویل شوي، چې د هندي سینما وتلي لوبغاړي شاه رخ خان د اکتوبر ۲۰۱۱ او سپتمبر ۲۰۱۲ تر منځ ۲۰۲ ملیارده هندي روپۍ کټلې دي.

(فوریس) مجلې نوموړی د بالیووډ د ډېرو شتمنو کسانو په کتار کې شمېرلی.

په یاد نوملړ کې کې د ۱۰۰ کسانو نومونه راغلي، چې د سلمان خان نوم په کې دویم مقام لري.

اکشې کومار، امیتاب بچن، کرینه کپور او کترینه کیف هم د دې سلو کسانو په نوملړ کې شامل دي.

انوشکا شرما تر ټولو ښایسته

بل لور ته هند کې یوې وتلې فېشن مجلې یوه سروې تر سره کړې، چې له مخې یې د بالیووډ په فلمي لوبغاړو کې انوشکا شرما تر ټولو ښایسته بلل شوې.

سروې کې د مجلې لوستونکو خپلې رایې کارولې او انوشکا ته تر ټولو ډېرې رایې ورکړل شوې.

سروې کې د مجلې لوستونکو خپلې رایې کارولې او انوشکا ته تر ټولو ډېرې رایې ورکړل شوې.

انوشکا شرما د سروې د پایلو په اړه خوښې څرګنده کړه. د هغې په خبره داسې لومړی ځل شوي، چې په دغه ډول یوه سیالۍ کې یې بریالیتوب په برخه شوی. هغې وویل، چې د دې له نظره کرینه کپور او قطرینه کیف د بالي ووډ تر ټولو ښایسته فلمي لوبغاړې دي.

د جان ابراهم واده

جان ابراهم، چې د خپل خاموش خوی(پټ خولۍ) له امله مشهور دی، له بي بي سي سره په یوه مرکه کې ویلي، چې کله واده وکړي، نو هم به ډېر خلک خبر نه کړي.

د نوموړي په خبره ( کله چې واده وکړم، نو په پټه خوله به یې وکړم، ډېر به خوشحال یم او د خپلې پرېکړې درناوی به وکړم، خو په دې اړه به اعلان و نه کړم، که بیا هم را نه څوک په دې اړه وپوښتي، نو خپله پرېکړه به پټه نه کړم.)

جان ابراهم د روانې اوونۍ په اوږدو کې نندارې ته په وړاندې کېدونکي فلم (ریس- ټو) کې مهم رول لوبولی.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .