د ناټو ماموریت او د شوروي یرغل ورته والی

د خپريدو وخت: 05:17 گرینویچ - شنبه‬ 16 مارچ 2013 - 26 کب 1391
ناټو- افغانستان

په رپوټ کې راغلي دي چې پر افغانستان د شوروي اتحاد د پوځونو د يرغل او د ناټو د ماموريت ترمنځ زښته زيات ورته والي شته دي.

د برتانيا د دفاع وزارت يو راپور وايي، په افغانستان کې د ناټو د اوسني ماموريت او په ١٩٧٩ کال کې د شوروي اتحاد د ناکام يرغل ترمنځ زښته زيات ورته والي دي.

د رپوټ جوړوونکي وايي، دواړو په افغانستان کې د يوې ايډيالوژۍ د تپلو هڅې کولې، يوه د کمونيزم او بل د ډيموکراسۍ چې په وينا يې دواړه پاتې راغلي دي.

له "افغانستانه د شوروي اتحاد د وتلو درسونه" په نامه دغه رپوټ د برتانيا د څېړنو د مرکز په لارښوونه او د يوشمېر کارپوهانو په مرسته جوړ شوى دى.

په رپوټ کې راغلي دي چې پر افغانستان د شوروي اتحاد د پوځونو د يرغل او د ناټو د ماموريت ترمنځ زښته زيات ورته والي شته دي.

په دې برخه کې ترټولو يو لوى ورته والى د دواړو له لوري په افغانستان کې د يوې اېډيالوژۍ د تپلو هڅې دي، هغه مهال د کمونيزم اواوس هم د ډېموکراسۍ.

د ناکامۍ له وجهې پرهغه مهال شوروي اتحاد اړ شو، چې له دغو هڅو لاس واخلي.

د برتانيا ددفاع وزارت وايي د تېري هدف دادى چې افغانستان د ترهگرو په مرکز بدل نه شي، نه داچې په ټوله مانا دغلته يو ښه حکومت رامنځ ته شي.

ددغه رپوټ په وينا، د دواړو په اړه د نړيوالو نظرونه هم ورته دي، خلک باور لري چې دواړه تېري له ماتې سره مخامخ شوي دي.

رپوټ داسې نتيجه راباسي چې په افغانستان کې د ناټو برى اړين دى، خو يوازې دغه برى بيا کافي نه بولي.

د برتانيا ددفاع وزارت وايي، د دغو څېړنو موخه داده چې د برتانيا د ننه بحثونه راوپاروي او پوځي حل لارې له ننگونې سره مخامخ کړي.

د برتانيا ددفاع وزارت وايي، د تېري هدف دا دى چې افغانستان د ترهگرو په مرکز بدل نه شي، نه دا چې په ټوله مانا دغلته يو ښه حکومت رامنځ ته شي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .