د محمد سعید رمضان البوطي ژوندلیک

د خپريدو وخت: 06:14 گرینویچ - جمعه 22 مارچ 2013 - 02 وری 1392
محمد سعید رمضان البوطي

محمد سعید رمضان البوطي د واکمن نظام ملاتړی و.

محمد سعید رمضان چې په (البوطي) یې شهرت درلود، په ۱۹۲۹ کال د سوریې شمالي عین دیوار کلي کې زیږېدلی، بیا له خپل پلار سره په څلور کلنۍ کې دمشق ته لږېدېدلی دی.

کردي الاصله البوطي په ۱۹۵۳ کال د الازهر پوهنتون شرعیاتو پوهنځي کې شامل شو، بیا یې په ۱۹۵۶ کال د الازهر پوهنتون د عربي ژبې په تربیه څانګه کې دپلوم ترلاسه کړ.

دغه وتلي سني عالم، چې د واکمن سوري نظام ملاتړی و، د بشارالاسد پرضد د پاڅون کوونکو خلاف ویناوې کولې.

د حمص ښار په لېسو کې یې تدریس کړی، بیا د دمشق پوهنتون د شرعیاتو پوهنځي رییس ټاکل شوی.

البوطي له الازهر پوهنتون په ۱۹۶۵ کال دوکتورا ترلاسه کړه.

نوموړي د خپل ژوند په اوږدو کې په ګڼو تلوېزیوني پروګرامونو کې ګډون کړی، او تل به د دمشق په الایمان جومات کې پر سبقونو او تدریس بوخت و.

د سوري مخالفانو شورا د البوطي وژل کېدل غندلي دي.

د سوري مخالفانو شورا د البوطي وژل کېدل غندلي دي.

الایمان جامع جومات کې د تېرې پنجشنبې پر ماښام چاودنه وشوه.

البوطي په دغه جومات کې خطیب هم و، چې جومات د الاموي جومات په نامه شهرت لري.

نوموړي په سوریه کې اوسنی تاوتریخوالی د اسراییلو ښکاره جګړه بللې ده، او د حکومت پر وسله والو مخالفانو او خپلواک پوځ یې نیوکې کولې.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .