د هند اقتصادي وده ورو شوې ده

Image caption په تېره لسيزه کې هند خورا ښه پرمختګ درلود چې په منځنۍ کچه څه د پاسه ۷ سلنه و.

د يوه رسمي راپور له مخې د هند اقتصاد تر تېر جون پورې دريو مياشتو کې پرمختګ ورو شوی دی.

د دغه هېواد کورنی سوچه توليد ۴،۴ سلنه و چې له يوه کال مخکې مودې نه لوړ و، او له ۲۰۰۹ کال راهيسې تر ټولو کمزوري حالت کې و.

د هند پيسې، روپۍ په تېرو څو مياشتو کې په بازارونو کې تر فشار لاندې وه، او د ډالر پر وړاندې د ټيټ ارزښت ريکارډ کچې ته رسېدلې ده.

هند د پرمختيايي يا مخ پر ودې هېوادونو له چين وروسته دویم ځواکمن اقتصاد بلل کېږي، خو د يوه مخ پر ودې هېواد لپاره چې د وګړيو شمېر يې هم په چټکۍ زياتېږي، بېوزلي په کې دومره براخه چې درملنه يوه ستره ننګونه بلل کېږي، د اقتصاد پوهانو له نظره د ودې له ۵ ټيټه کچه ځواکمنه نه بلل کېږي.

په تېره لسيزه کې هند خورا ښه پرمختګ درلود چې په منځنۍ کچه څه د پاسه ۷ سلنه و. د هند لومړی وزير منموهن سېنګ ويلي حکومت به يې د هند ژورطدونکی اقتصادي کړکېچ کابو کلو په موخه هر ممکن ګام واخلي.

ښاغلي سېنګ چې د خپل هېواد پارلمان ته يې وينا کوله وويل د هند پيسو، روپۍ، لوېدونکی ارزښت د اندېښنې وړ خبره ده:

''تېرو دوو لسيزو د هند اقتصاد په پرانيستي ډول پرمختګ کاوه او موږ ترې ګټه واخيسته. يوازې دا چې د پانګې او پيسو بازارونه څه لړزېدلي، له امله يې د تګلارو بدلولو کومه خبر نه شته، د پيسو بدلون ارزښت کې ناڅاپي لوېدا له شک پرته يو ټکان دی، خو له دې سره د نورو تدبيرونو له لارې چلن کوو''.

له تېر مې راهيسې د هند روپۍ د ډالرو پر وړاندې څه د پاسه ۲۰ سلنه خپل ارزښت له لاسه ورکړی دی.

خو ښاغلي سنګ حکومت او مرکزي بانک د روپۍ ارزښت کابو کولو يو شمېر تدبيرونه اخيستي دي:

''مرکزي بانک او حکومت د روپۍ ارزښت ثبات لپاره يو شمېر ګامونه اخيستي دي. ځينو تدبيرونو په ځينو برخو کې شکونه راپورته کړي چې د پانګې کابو کولو نښې په راښکارېدو دي. غواړم پارلمان او نړۍ ته په پراخه ډاډ ورکړم چې حکومت پر داسې کوم ګام د غور تکل نه لري''.

د هند اقتصاد کې د تازه سوړوالي او وروالي تر شا ځينې عوامل کورني او له اوږدې مودې راپاتې دي.

د ټرانسپورت شبکو او هم برېښنا برابرولو چارو کې ستونزې شته او هم دا چې هند د سوداګرۍ لپاره يو اسانه ځای هم نه دی.

خو ځينې نور نړيوال ځواکونه هم شته چې دې سوبازارۍ کې يې رول لرلی دی.

Image caption ښاغلي سېنګ چې د خپل هېواد پارلمان ته يې وينا کوله وويل د هند پيسو، روپۍ، لوېدونکی ارزښت د اندېښنې وړ خبره ده.

پانګوالو له مخ پرودې اقتصادونو پيسې امريکا ته ايستلې، چې دوی په کې د مرکزي بانک تګلارو بدلون ته په دې سترګه ګوري چې له مخې يې په خپلو پانګو په امريکا ښه ګټه کولی شي.

په دې کې د اقتصاد او بازار کتونکو په باور د هند روپۍ هم راځي چې په پراخه کچه يې پلور سره ارزښت لوېدلی دی. همدې چارې په خپل وار د هند پړسوب ستوزه لا پسې پېچلې کړې او شرکتونه يې لړزولي چې په بهرنۍ پيسو يې پورونه اخيستې دي.

تر جون پورې دری مياشتنۍ مودې ودې شمېرې د پيسو ارزښت کې تازه لوېدا نه راغبرګوي، نو کېدی شي هند د لا ناوړه اقتصادي حالت لیدونکی وي.

په تېره لسيزه کې هند خورا ښه پرمختګ درلود چې په منځنۍ کچه څه د پاسه ۷ سلنه و.

ورته مطالب