لاريونيانو ته د اوکرايني سرتېرو غبرګون

د انځور حقوق AP
Image caption د اوکراين د ختيځې برخې اوسېدونکي هم د کريميا په څېر له روسيې سره يو ځای کېدل غواړي

د اوکراين د کورنیو چارو وزارت وايي تیره شپه یې د ختیځ خارکیف ښار په حکومتي ودانيو کې د ترهګرۍ ضد عملیات پيل کړي دي.

د اوکراين د کورنیو چارو وزارت په یوه بيانيه کې ویلي دغه ودانۍ د روسي پلوه بیلتون غوښتونکو له خوا نیول شوې وې.

د کورنیو چارو زارت د معلوماتو له مخې له ډزو پرته له دغو کسانو اوه تنه یې نیول شوي دي.

د دوشنبې پر ورځ روسیې پلوه اعتراض کوونکو په خارکیف او دونیتڅګ ښارونو کې له اوکراین څخه د بیلتون اعلان وکړ.

له دې وړاندې د امریکا متحد ایالتونو د اوکراین د ختیځ پرلور د پټ او یا ښکاره پرمختګ په اړه روسیې ته خبر داری ورکړ.

د سپینې ماڼۍ یوه ویاند وویل دا سې کره شواهد په لاس کې شته چې ځینې لاریون کوونکو ته پیسې ورکړل شوې او د سیمې اوسیدونکي نه دي.

مسکو په دغې سیمه کې چې د اوکراين د صنعت زړه بلل کیږي د نا کراریو او د بیلتون غوښتلو غندنه کړي.

تیره شپه په دونیڅک ښار کې د اعتراض کوونکو چې د ځايي ادارې ودانۍ یې نیولي او ځايی چاراکو ترمنځ خبرې شوې دي.

د دوشنبې پر ورځ د امریکا د بهرنیو چارو وزیر جان کیري خپل روسي سیال سرګي لاوروف ته ویلي و، چې د نارامۍ رامنځته کولو لپاره به د روسیې هڅې دغه هېواد ته په لوړه بيه پرېوځي.

ورته مطالب