د هند ودې شمېرو اقتصاد پوهان حيران کړي

د انځور حقوق bbc
Image caption د هند رسمي سرچينې وايي اقتصاد يې ۸،۲ سلنه لوړ شوی دی

دولتي سرچينې ښيي د تېر کال په نسبت د هند اقتصاد ۷،۵ سلنه لوړ شوی دی.

د دغو شمېرو د حسابولو په اړه اندېښنې وې، د کورنيو توليداتو په دغو شېمېرو کې بيا وروسته تغير راغلی و.

اقتصاد پوهانو خبرداری ورکړی چې دا شمېرې بايد په دقيق توګه وڅېدل شي.

د تېرو دريو مياشتو اقتصاد لوړوالی بيا وکتل شو چې ۸،۲ سلنه لوړوالی پکې راغلی و. تېر کال دا شمېره ۵،۳ سلنه وه.

د هند وايي کلنۍ اقتصاد يې۷،۴ سلنه لوړ شوی دی.

د هند د کورنيو توليداتو د حسابولو نوې لار د کورنيو توليداتو څېړونکي حيران کړي دي. هند وايي دا نوی فارمول يې نړيوال سټنډرډ ته نژدې دی.

ځينې اقتصاد پوهان وايي دا شمېرې بايد په دقيق ډول وکتل شي. د هېچ ډي اېف سي بانک يوه اقتصاد پوه جوټېندر کول ويلي چې د دغو شمېرو دقيق والي تر پوښتننې لاندې دی.

"په روښانه توګه د دغو شمېرو د کتلو اړيتا ده، هېڅ کوم داسي شی نه دی بدل شوی چې په دې کچه اقتصادي وده وښي "

ويل کېدل چې هند له ۱۹۸۰ راپدېخوا تر ټولو ورو اقتصادي پرمختګ درلود. د هند اقتصاد نشوای کولای چې په ميليونو ځوانانو ته دندې پيدا کړي.

د هند لومړي وزير نريندرا مودي د تېر کال انتخابات د ښه اقتصاد او بدلون په مټ ګټلي وو.

خلک اميدوار دي چې د نريندرا مودي حکومت به کړې ژمنې پوره کړي.