په قتل تورن کس له ۳۰ کاله بند وروسته بې ګناه ثابت شو

د انځور حقوق bbc
Image caption انتوني هېنټن د دېرش کاله بند وروسته بې ګناه ثابت او له بنده خوشي شو

د امريکا په الاباما ايالت کې په مرګ تورن کس له ۳۰ کاله بند وروسته بې ګناه وخوت او له بنده خوشي شو.

په ۸۵ کلن انتوني رای هېنټن تور و چې په ۱۹۸۵ کې يې د رستورانت دوه سبمالوونکي په ډزو وژلي وو. خو تېر کال يې قضیې ته يو ځل بيا وخت ورکړل شو.

څېړنو وښوده چې د قتل په ځای کې پيداشوې ګولۍ د انتوني د تومانچې نه وې.

د ښاغلي انتوني وکيل وويل چې موکل ته يې سزا ځکه ورکړل شوې وه چې د ښه وکيل پيسې يې نه لرلې.

د برمېنګهم له جېفرسن کنټري بنديخانې وتلو وروسته هېنټن له خپلې کورنۍ سره وليدل.

ده د خپل ۳۰ کلن بند په اړه وويل "د دوی کار يوازې د تومانچې کتل وو"

د پېښې په ځای کې موندل شوې ګولۍ د هېنټن د جرم يوازنی ثبوت و.

وکيل وويل نويو فرانزېک څېړنو وښودله چې ګولۍ د هېنټن له تومانچې نه وه چلېدلې.

د هېنټن وکيل سټيون وويل"هره ورځ، هره مياشت او هر کال چې حکومت له ده څه اخيستي بېرته نه شي ورکولی"

د هېنټن د وکيل په وينا چې له موکل سره يې د لومړی اورونې پر وخت يوازې ۱۰۰۰ ډالر وو او ده نشوای کولای يو تکړه وکيل ونيسي

تېر کال محکمې د هېنټن قېضې ته د ښه وکيل نه لرلو له کبله د بيا اورېدلو وخت ورکړی و.