کراچۍ کې ګرمۍ ۵۰ کسان وژلي

د انځور حقوق EPA
Image caption د اېدهي خيريه ټولنه وايي په تېرو دوو ورځو کې يې له ۳۰ زياتو کسانو مړي روغتونو ته رسولي دی

د پاکستان تر ټولو لوی ښار کراچۍ کې د زياتې ګرمۍ له کبله په تېرو دوو ورځو کې لږ ترلږه ۵۰ کسان وژل شوي دي.

ويل کېږي په تېرو ۲۴ ساعتونو کې کراچۍ کې زياته ګرمي وه او د شبنې پر ورځ د تودخې درجه ۴۴ سانتي ګرېډ ښودل شوې وه.

د کراچۍ ښار د روغتون د بېړني حالت څانګې مشرې ډاکترې سيمي جمالي بي بي سي ته ويلي چې د شنبې او يکشبنې پر ورځ شل کسان روغتون ته راوړل شوي او څلورو يې دلته ساه ورکړه.

د ډاکتر سيمي جمالي په وينا په وژل شويو کسانو کې زياتره بوډاګان او مشران دي.

پاکستان کې د اېدهي خيريه ټولنه وايي په تېرو دوو ورځو کې يې له ۳۰ زياتو کسانو مړي روغتونو ته رسولي دی.

بل خوا د ښار په بېلابېلو برخو کې د برېښنا د نشتوالي له کبله خلک له ستونزو سره مخاخ دي او په دې اړه ګن شمېر کسان لارو کوڅو ته راوتلي.