مدیترانه سمندر کې د کډوالو کښتۍ ډوبه شوې

د انځور حقوق Reuters
Image caption د سمندري ساتونکو په وینا ګڼ شمېر ډوب شوي کسان ژغورل شوي دي

د ایټالیا کې سمندري ځواکونه وايي په میترانه سمندر کې یوې کښتۍ کې، چې کډوال پکې ناست وو له ۴۰ ډېر کسان وژل شوي دي. د

د سمندري ساتونکو په وینا ګڼ شمېر کسان ژغورل شوي دي او وايي مرستندویه چارې دوام لري.

د اسوشیټیډ پریس خبري اژانس په رپوټ کې ویل شوي، چې د دغې کښتۍ ۳۰۰ مساپر ژوندي ژغورل شوي دي.

رپوټونو کې ویل شوي دي، چې ډېری کسان د کښتۍ تر غولي لاندې په یوه لنډ تنګ ځای کې پټ شوي وو، چې د ساه ایساریدو له کبله وژل شوي دي.

اروپايي چارواکي وايي اروپا ته د سږکال اوږدو کې د ۲۵۰ زره کډوالو ورتګ، چې ډېری یې د کښتیو په وسیله ورغلي له ' بېړنیز ورهاخوا ' دی.

دغه کښتۍ له لیبیا نه د اروپا پر لور روانه وه، چې واوښته.

د کډوالۍ نړیوال سازمان په وینا ۲۰۱۵ کال اوږدو کې ډېری غیر قانوني کډوالو د مدیترانې سمندر له لارې اروپا ته د تلو هڅه کړې.